ഉത്തര്പ്രദേശില് പട്ടാപ്പകല് പതിനാലുപേര് ചേര്ന്ന് പെണ്കുട്ടിയെ മാനഭംഗപ്പെടുത്തി
പെണ്കുട്ടിയെ ആണ്കുട്ടികള് സംഘം ചേര്ന്ന് മാനഭംഗപ്പെടുത്തി. ഉത്തര്പ്രദേശിലെ രാം പൂര് ജില്ലയിലാണ് സംഭവം. സംഭവത്തിന്റെ ദൃശ്യങ്ങള് ഇതിനകം തന്നെ സോഷ്യല് മീഡിയയില് വൈറലായിക്കഴിഞ്ഞിട്ടുണ്ട്. 14ഓളം വരുന്ന ആണ്കുട്ടികളാണ് സംഭവത്തിന് പിന്നില്. സംഭവത്തിന്റെ മുഴുവന് ദൃശ്യങ്ങളും ആണ്കുട്ടികള് ചിത്രീകരിച്ച് സോഷ്യല് മീഡിയയില് പോസ്റ്റ് ചെയ്തിട്ടുണ്ട്. പെണ്കുട്ടിയെ നടു റോഡില് തടഞ്ഞു നിര്ത്തി മോശമായ രീതിയില് ശരീരഭാഗങ്ങള് സ്പര്ശിക്കുന്നതും തള്ളി ഒരോരുത്തര്ക്കായി കൈമാറി പരിഹസിക്കുന്നതാണ് ദൃശ്യങ്ങളിലുള്ളത്.
സംഭവത്തില് കേസെടുത്ത പോലീസ് അന്വേഷണം ആരംഭിച്ചിട്ടുണ്ട്. കുറ്റവാളികളില് ചിലരെ തിരിച്ചറിഞ്ഞ പോലീസ് ഇവരെ കണ്ടെത്തുന്നതിനുള്ള ശ്രമം ആരംഭിച്ചിട്ടുണ്ട്. സ്ത്രീകളുടേയും പെണ്കുട്ടികളുടേയും സുരക്ഷ ഉറപ്പുനല്കി മാര്ച്ചില് അധികാരത്തിലെത്തിയ യോദി ആദിത്യ നാഥിന്റെ നേതൃത്വത്തിലുള്ള സര്ക്കാര് പൂവാലന്മാരെ നിയന്ത്രിക്കുന്നതിനായി ആന്റി റോമിയോ സ്ക്വാഡിന് രൂപം നല്കിയിരുന്നു. പൊതു സ്ഥലങ്ങളില് സ്ത്രീകളും പെണ്കുട്ടികളും അപമാനിക്കപ്പെടുന്നത് തടയുന്നതിന് വേണ്ടിയായിരുന്നു ഇത്.
പെണ്കുട്ടിയെ കളിയാക്കി ചിരിക്കുന്ന 12ലേറെപ്പേരുള്ള സംഘം അവര്ക്കെതിരെ അസഭ്യവാക്കുകള് ഉപയോഗിക്കകുകയും ചെയ്തിരുന്നു. സംസ്ഥാനത്ത് രൂപീകരിച്ച ആന്റി റോമിയോ സ്ക്വാഡിന്റെ പ്രവര്ത്തനം ആദ്യദിനങ്ങളില് സജീവമായിരുന്നുവെങ്കിലും ഫലപ്രദമായി പ്രവര്ത്തിക്കുന്നില്ല എന്നതിന്റെ തെളിവാണ് ഈ സംഭവം. അധികാരത്തിലെത്തിയ ആദ്യ ദിനം സംസ്ഥാനത്തെ ക്രമസമാധാന നില മെച്ചപ്പെടുത്തുമെന്നും മുഖ്യമന്ത്രി യോഗി ആദിത്യ നാഥ് വ്യക്തമാക്കിയിരുന്നു.
https://www.facebook.com/Malayalivartha
