ജവഹര്ലാല് നെഹ്റു സര്വകലാശാലാ മുന് ചെയര്മാന് കനയ്യ കുമാറിനു നേരെ വീണ്ടും ആക്രമണം
ജവഹര്ലാല് നെഹ്റു സര്വകലാശാലാ മുന് ചെയര്മാന് കനയ്യ കുമാറിനെതിരെ വീണ്ടും ആക്രമണം. എഐവൈഎഫ്എഐഎസ്എഫ് ലോംഗ് മാര്ച്ചിനിടെയാണ് കനയ്യക്കു നേരെ ആക്രമണമുണ്ടായത്. പശ്ചിമബംഗാളിലെ മിഡ്നാപൂരില് വച്ചാണ് കനയ്യക്കും കൂട്ടര്ക്കുമെതിരെ ബിജെപി പ്രവര്ത്തകര് ചീമുട്ടയെറിഞ്ഞത്.
ഐഎസ് ഏജന്റ്, രാജ്യദ്രോഹി എന്നീ മുദ്രാവാക്യങ്ങള് മുഴക്കിയാണ് 100ലേറെ വരുന്ന ബിജെപി പ്രവര്ത്തകരുടെ സംഘം കനയ്യയെ ആക്രമിച്ചത്. ലോംഗ് മാര്ച്ച് മിഡ്നാപൂരില് പ്രവേശിച്ചതിനു പിന്നാലെയായിരുന്നു ആക്രമണമുണ്ടായത്. കനയ്യയോട് പാക്കിസ്ഥാനിലേക്ക് പോകാനും ബിജെപി പ്രവര്ത്തകര് ആക്രോശിച്ചു.ജാഥയിലുണ്ടായിരുന്ന എഐഎസ്എഫ് എഐഎസ്എഫ് പ്രവര്ത്തകര് തിരിച്ച് മുദ്രാവാക്യം വിളിക്കാന് തുടങ്ങിയതോടെ സംഘര്ഷം അതിരിവിട്ടേക്കുമെന്ന അവസ്ഥയിലെത്തി.
എന്നാല് പോലീസ് ബാരിക്കേഡുകള് തീര്ത്ത് സ്ഥലത്തെ സംഘര്ഷത്തിന് അയവു വരുത്തി. 19 ബിജെപി പ്രവര്ത്തകരെ സംഭവസ്ഥലത്തു നിന്ന് പോലീസ് കസ്റ്റഡിയിലെടുത്തു. ലോഗ് മാര്ച്ചിനു നേരെ രാജ്യത്തെ മറ്റ് ചിലയിടങ്ങളിലും ആക്രമണങ്ങള് നടന്നിരുന്നു.
കന്യാകുമാരിയില് നിന്ന് ആരംഭിക്കുന്നതിനു മുന്പു തന്നെ, ഉത്തരേന്ത്യന് സംസ്ഥാനങ്ങളിലേക്ക് ജാഥ പ്രവേശിക്കാന് അനുവദിക്കില്ലെന്ന് ആര്എസ്എസ് പ്രവര്ത്തകര് ഭീഷണി മുഴക്കിയിരുന്നു.
https://www.facebook.com/Malayalivartha
