തമിഴ്നാട് രാഷ്ട്രീയം; വീണ്ടും റിസോര്ട്ടിലേയ്ക്ക്, ദിനകരന് പക്ഷം എംഎല്എമാര് പോണ്ടിച്ചേരിയിലേയ്ക്ക്
തമിഴ്നാട് രാഷ്ട്രീയത്തില് വീണ്ടും റിസോര്ട്ട് കാലം. എ.ഐ.എഡി.എം.കെ. സര്ക്കാരിനുള്ള പിന്തുണ പിന്വലിച്ച ടി.ടി.വി. ദിനകരനെ പിന്തുണയ്ക്കുന്ന എം.എല്.എമാരെ ചെന്നൈക്ക് പുറത്തേക്ക് മാറ്റും. ദിനകരന്ശശികല പക്ഷത്തിന് പിന്തുണ പ്രഖ്യാപിച്ച 19 എം.എല്.എമാര് പളനിസ്വാമി സര്ക്കാരിനുള്ള പിന്തുണ പിന്വലിച്ചതിന് പിന്നാലെയാണ് ഇവരെ മാറ്റാനുള്ള തീരുമാനം ദിനകരന് പക്ഷം കൈക്കൊണ്ടത്. മുന്നു സ്വതന്ത്രരെ അടക്കം 23 എം.എല്.എമാരെയാണ് പോണ്ടിച്ചേരിയിലേക്ക് മാറ്റുക. ഇവര് പിന്തുണ പിന്വലിച്ചതോടെ സര്ക്കാരിന്റെ നിലംപൊത്തുമെന്ന അവസ്ഥയിലാണ്. സര്ക്കാരിനെ നിലനിര്ത്തുന്നതിന് വന് ഇടപെടല് ഉണ്ടാകുമെന്നും കണക്കിലെടുത്താണ് ഈ നീക്കം. ആദ്യം പാര്ട്ടിക്കാണ് തങ്ങള് മുന്ഗണന നല്കുന്നത്, സര്ക്കാര് വീഴുകയോ വീഴാതിരിക്കുകയോ ചെയ്യട്ടെ. പാര്ട്ടിക്ക് സുരക്ഷ ഒരുക്കുക തന്നെ ചെയ്യുമെന്നും ദിനകരന് പക്ഷത്തെ എം.എല്.എയായ പി.വെട്രിവേല് മാധ്യമങ്ങളോട് പ്രതികരിച്ചു. _3.jpg)
ഗവര്ണര് വിശ്വാസ വോട്ട് തേടുമ്പോള് കൂടുതല് കരുത്ത് തെളിയിക്കാനുള്ള ശ്രമമാകും ഇനി ദിനകരന് നടത്തുക. ജയിലില് കഴിയുന്ന ജനറല് സെക്രട്ടറി വി കെ ശശികലയെയും ദിനകരനെയും പുറത്താക്കിയാണ് അണ്ണാ ഡിഎംകെയിലെ എടപ്പാടി പളനിസാമി, ഒ പനീര്സെല്വം വിഭാഗങ്ങള് യോജിച്ചത്. ശശികല പലവിധ കേസുകളില്പ്പെട്ടിരിക്കുന്നതിനാല് ദിനകരന് കടുത്ത നടപടികള്ക്ക് മുതിരില്ലെന്നായിരുന്നു ഔദ്യോഗികപക്ഷം കരുതിയത്. ഈ കണക്കുകൂട്ടലാണ് ഇന്ന് 19 എംഎല്എമാര് ഗവര്ണറെ കണ്ടതോടെ തകര്ന്നത്.
ഗവര്ണര്ക്ക് സമര്പ്പിച്ച കത്തില് തങ്ങള് പാര്ട്ടി അംഗത്വം രാജിവച്ചതായി എംഎല്എമാര് പറഞ്ഞിട്ടില്ല. അതേസമയം മുഖ്യമന്ത്രിക്കെതിരെ രൂക്ഷവിമര്ശനമാണ് ഇവര് ഉന്നയിക്കുന്നത്. സര്ക്കാര് അഴിമതിയില് മുങ്ങിക്കുളിച്ചിരിക്കുകയാണെന്നും ഈ സാഹചര്യത്തില് പിന്തുണയ്ക്കാനാകില്ലെന്നും കത്തില് പറയുന്നു. 234 എംഎല്എമാരാണ് തമിഴ്നാട് നിയമസഭയിലുള്ളത്. ജയലളിതയുടെ മരണശേഷം ആര്കെ നഗറിലെ സീറ്റ് ഒഴിഞ്ഞുകിടക്കുകയാണ്. കേവല ഭൂരിപക്ഷത്തിന് 117 എംഎല്എമാരുടെ പിന്തുണ വേണ്ട അണ്ണ ഡിഎംകെയ്ക്ക് സ്പീക്കര് ഉള്പ്പെടെ 135 എംഎല്എമാരാണ് ഉള്ളത്. 19 പേര് പിന്തുണ പിന്വലിക്കുന്നതോടെ പാര്ട്ടിയ്ക്ക് കേവല ഭൂരിപക്ഷം നഷ്ടപ്പെടും._3.jpg)
ദിനകരനൊപ്പം 18 പേരുണ്ടെന്നായിരുന്നു ആദ്യ സൂചനകള്. എന്നാല് തനിക്കൊപ്പം 20-25 എംഎല്എമാര് ഉണ്ടെന്നാണ് അദ്ദേഹം അവകാശപ്പെടുന്നത്. അങ്ങനെയാണെങ്കില് സര്ക്കാരിനെ അട്ടിമറിയ്ക്കാന് ശശികലപക്ഷത്തിന് നിസാരമായി തന്നെ സാധിക്കും. അതേസമയം അടിയന്തരമായി നിയമസഭ വിളിച്ചു ചേര്ക്കണമെന്ന് ആവശ്യപ്പെട്ട് പ്രതിപക്ഷ നേതാവ് എകെ സ്റ്റാലിന് ഗവര്ണര്ക്ക് കത്തയച്ചു. നിലവിലെ സാഹചര്യത്തില് അണ്ണ ഡിഎംകെയ്ക്ക് നിയമസഭ വിളിച്ചു ചേര്ക്കുന്നത് തിരിച്ചടിയാകും.
https://www.facebook.com/Malayalivartha
