നായയ്ക്ക് നേരെ രാജ്യ തലസ്ഥാനത്ത് പ്രകൃതിവിരുദ്ധ പീഡനം
34 കാരനായ ടാക്‌സി ഡ്രൈവര്‍ നായയെ പ്രകൃതിവിരുദ്ധ പീഡനത്തിനിരയാക്കി കൊലപ്പെടുത്തി. സ്വകാര്യ ടാക്‌സി കമ്പനിയില്‍ െ്രെഡവറായ നരേഷ് കുമാറിനെ നാട്ടുകാര്‍ ചോദ്യം ചെയ്തപ്പോള്‍ നായയെ പീഡനത്തിനിരയാക്കിയതായും കൊല്ലപ്പെട്ട ശേഷം ഓടയില്‍ ഉപേക്ഷിച്ചതായും സമ്മതിക്കുകയായിരുന്നു.
ഇക്കഴിഞ്ഞ ഓഗസ്ത് 25നായിരുന്നു സംഭവം. മൃഗസംരക്ഷണ പ്രവര്‍ത്തകനായ കോളനിവാസിയാണ് നായയുടെ ജഡം കണ്ടെത്തിയത്. തുര്‍ന്ന് ആശുപത്രിയിലെത്തിച്ച് പോസ്റ്റ് മോര്‍ട്ടം നടത്തിയപ്പോളാണ് ഞെട്ടിക്കുന്ന വിവരങ്ങള്‍ പുറത്തായത്. പോസ്റ്റ്‌മോര്‍ട്ടത്തില്‍ നായ പ്രകൃതിവിരുദ്ധ ലംഗിക പീഡനത്തെ തുടര്‍ന്ന് ഉണ്ടായ രക്തശ്രാവത്തെ തുടര്‍ന്നാണ് കൊല്ലപ്പെട്ടതെന്ന് വ്യക്തമായിട്ടുണ്ട്.
ഇയാള്‍ ലൈംഗീക വൈകൃതങ്ങള്‍ കാണിക്കുന്നതായും തനിക്കു നേരെയും ക്രൂരമായ പീഡനങ്ങള്‍ നടത്താറുണ്ടെന്നും ഭാര്യയും പറഞ്ഞു. കഴിഞ്ഞ ദിവസം ഇത്തരത്തില്‍ തന്റെ കൈ ഒടിച്ചതായും ഭാര്യ പറഞ്ഞു.
നരേഷിനെതിരെ വിവിധ വകുപ്പുകള്‍ ചുമത്തി കേസ് രജിസ്റ്റര്‍ ചെയ്തിട്ടുണ്ട്. സംഭവത്തില്‍ എഫ്.ഐ.ആര്‍ രജിസ്റ്റര്‍ ചെയ്യാന്‍ പൊലീസ് മടിച്ചതായും തുടര്‍ന്ന് ഉന്നത ഉദ്യോഗസ്ഥര്‍ക്ക് പരാതി നല്‍കിയതോടെയാണ് കേസെടുത്തതെന്നും കോളനിവാസികള്‍ ആരോപിച്ചു. കഴിഞ്ഞ ഒരുവര്‍ഷത്തിനിടെ ഡല്‍ഹിയില്‍ മൃഗങ്ങള്‍ക്കെതിരായ ഇത്തരം അതിക്രമങ്ങള്‍ വര്‍ധിച്ചു വരുന്നതായി മൃഗസംരക്ഷണ പ്രവര്‍ത്തകര്‍ പറയുന്നു.
https://www.facebook.com/Malayalivartha
