അ​മ്മ​യേ​യും സ​ഹോ​ദ​രി​യേ​യും ക്രൂരമായി കൊലപ്പെടുത്തിയശേഷം മുങ്ങിയ 16കാരൻ പിടിയിൽ. ഡ​ൽ​ഹി​യിലെ ഗ്രേ​റ്റ​ർ നോ​യ്ഡ​യി​ലെ ഗോ​ർ സി​റ്റി​യി​ൽ ഫ്ലാറ്റിൽ ക​ഴി​ഞ്ഞ ചൊ​വ്വാ​ഴ്ച​യായിരുന്നു സംഭവം നടന്നത്. അ​ഞ്ജ​ലി അ​ഗ​ർ​വാ​ൾ (42), മ​ക​ൾ മ​ണി​ക​ർ​ണി​ക (11) എ​ന്നി​വ​രെ കൊ​ല്ല​പ്പെ​ട്ട നി​ല​യി​ൽ ക​ണ്ടെ​ത്തി​യ​ത്. സം​ഭ​വു​മാ​യി ബ​ന്ധ​പ്പെ​ട്ട് അ​ഞ്ജ​ലി​യു​ടെ പത്താം ക്ലാ​സി​ൽ പ​ഠി​ക്കു​ന്ന മ​ക​നാ​ണ് പിടിയിലായത്.

ക​ഴി​ഞ്ഞ തി​ങ്ക​ളാ​ഴ്ച രാ​ത്രി എ​ട്ടി​ന് ഇ​യാ​ൾ അ​മ്മ​യ്ക്കും സ​ഹോ​ദ​രി​ക്കു​മൊ​പ്പം ഫ്ലാ​റ്റി​ലേ​ക്കു ക​യ​റി​പ്പോ​കു​ന്ന​തിന്റെയും രാ​ത്രി 11.30 ന് ​ഫ്ലാ​​റ്റി​ൽ​നി​ന്നും ഇ​റ​ങ്ങി​പ്പോ​കു​ന്ന​തി​ന്‍റെ ദൃ​ശ്യ​ങ്ങൾ പോലീസിനു ലഭിച്ചിരുന്നു. കു​ട്ടി​യു​ടെ ര​ക്തം പു​ര​ണ്ട വ​സ്ത്ര​ങ്ങ​ൾ വീ​ട്ടി​ലെ കു​ളി​മു​റി​യി​ൽ​നി​ന്നും പോ​ലീ​സ് ക​ണ്ടെ​ടു​ത്തി​രു​ന്നു.

അതിക്രൂരമായാണ് ഈ കൗമാരക്കാരൻ അമ്മയെയും സഹോദരിയെയും കൊന്നത്. ബാറ്റുകൊണ്ട് ഒരുപാടു തവണ തലയ്ക്കടിച്ചു. കുറേതവണ കുത്തി. അ​ഞ്ജ​ലി​യു​ടെ ത​ല​യി​ൽ അ​ടി​യേ​റ്റ ഏ​ഴു മു​റി​വു​കളുണ്ടായിരുന്നു. മ​ണി​ക​ർ​ണി​ക​യു​ടെ ത​ല​യി​ൽ അ​ഞ്ച് മു​റി​വു​ക​ളും. മൃ​ത​ദേ​ഹ​ത്തി​ന്‍റെ സമീപത്തുനിന്നും ര​ക്തം പു​ര​ണ്ട കത്രികയും പോലീസ് കണ്ടെത്തിയിട്ടുണ്ട്. ബ്ലൂവെയിൽപോലുള്ള ഗാം​ഗ്സ്റ്റ​ർ ഇ​ൻ ഹൈ​സ്കൂ​ൾ എന്ന കൊലയാളി ഗെയിമിനു അടിമയായിരുന്നു ഈ കൗമാരക്കാരൻ. ഈ ​ഗെ​യി​മു​മാ​യി ബ​ന്ധ​പ്പെ​ട്ട ഇ​ല​ക്ട്രോ​ണി​കി​സ് ഉ​പ​ക​ര​ണ​ങ്ങ​ൾ വീ​ട്ട​ൽ​നി​ന്നും പോലീസ് കണ്ടെടുത്തിട്ടുണ്ട്.