സുപ്രീം കോടതിയിൽ കേസുകള്‍ വിഭജിക്കുന്നതുമായി ബന്ധപ്പെട്ട് ചീഫ് ജസ്റ്റിസിനെതിരെ മുതിർന്ന ജഡ്ജിമാർ നടത്തിയ പ്രതിഷേധം ഫലം കണ്ടു. സുപ്രീം കോടതിയില്‍ കേസുകള്‍ വിഭജിക്കുന്നതിന് റോസ്റ്റര്‍ സംവിധാനം ഏര്‍പ്പെടുത്തി. ഓ​രോ ജ​സ്റ്റി​സു​മാ​രും കൈ​കാ​ര്യം ചെ​യ്യേ​ണ്ട കേ​സു​ക​ളു​ടെ പ​ട്ടി​ക പു​റ​ത്തി​റ​ക്കി. പൊ​തു​താ​ത്പ​ര്യ ഹ​ർ​ജി​ക​ൾ നേ​രി​ട്ട് പ​രി​ഗ​ണി​ക്കു​മെ​ന്ന് ചീ​ഫ് ജ​സ്റ്റി​സ് ദീപക് മിശ്ര വ്യ​ക്ത​മാ​ക്കി. ‌

സുപ്രീം കോടതിയിലെ മുതിർന്ന ജഡ്ജിമാർ ഉന്നയിച്ച പ്രധാനപ്പെട്ട ഒരു പ്രശ്നമാണ് ഇതോടെ പരിഹരിക്കപ്പെടുന്നത്. പു​തി​യ റോ​സ്റ്റ​ര്‍ സം​വി​ധാ​നം തി​ങ്ക​ളാ​ഴ്ച മു​ത​ൽ ന​ട​പ്പാ​ക്കും. ഓ​രോ കേ​സി​ലും ബെ​ഞ്ച് തീ​രു​മാ​നി​ക്കാ​നു​ള്ള അ​ധി​കാ​രം നാ​ലു മു​തി​ര്‍​ന്ന ജ​ഡ്ജി​മാ​ര്‍​ക്കു​കൂ​ടി ചീ​ഫ് ജ​സ്റ്റി​സ് ദീ​പ​ക് മി​ശ്ര വി​ഭ​ജി​ച്ചു ന​ല്‍​കി. ചീഫ് ജസ്റ്റിസിനെതിരെ മുതിർന്ന ജഡ്ജിമാരായ ജെ. ചെലമേശ്വര്‍, രഞ്ജന്‍ ഗൊഗോയി, മദന്‍ ബി. ലോകൂര്‍, കുര്യന്‍ ജോസഫ് എന്നിവരാണ് നേരത്തെ പരസ്യവിമര്‍ശനം ഉന്നയിച്ചത്. ഇത് വലിയ വിവാദമായിരുന്നു.

തുടർന്ന് ജഡ്ജിമാരുമായി ചീഫ് ജസ്റ്റിസ് പലതവണ ചർച്ചകൾ നടത്തി. ഇതേ തുടർന്നാണ് പ്രശ്ന പരിഹാരമുണ്ടായത്. തെ​ര​ഞ്ഞെ​ടു​പ്പ്, ക്രി​മി​ന​ൽ കേ​സു​ക​ൾ, ഉ​പ​ഭോ​ക്തൃ സം​ര​ക്ഷ​ണ​വു​മാ​യി ബ​ന്ധ​പ്പെ​ട്ട കേ​സു​ക​ൾ തു​ട​ങ്ങി​യ​വ ചീ​ഫ് ജ​സ്റ്റി​സ് നേരിട്ട് പ​രി​ഗ​ണി​ക്കും.