ഹിന്ദി പഠനം നിര്‍ബന്ധമാക്കിയ നടപടിക്കെതിരെ ജയലളിത
യൂണിവേഴ്‌സിറ്റികളില്‍ ഹിന്ദി പഠനം നിര്‍ബന്ധിതമാക്കിയ കേന്ദ്ര സര്‍ക്കാര്‍ സര്‍ക്കുലറിനെതിരെ തമിഴ്‌നാട് മുഖ്യമന്ത്രി ജയലളിത രംഗത്തെത്തി. കേന്ദ്ര സര്‍ക്കുലര്‍ നിയമവിരുദ്ധമാണെന്ന് ജയലളിത പറഞ്ഞു. മുന്‍ യു.പി.എ സര്‍ക്കാരിന്റെ കാലത്ത് സമാനമായ നിര്‍ദ്ദേശം നല്‍കിയിരുന്നെങ്കിലും തമിഴ്‌നാടിനെ ഒഴിവാക്കിയിരുന്നു. എന്നാല്‍ എന്‍.ഡി.എ സര്‍ക്കാര്‍ അധികാരത്തില്‍ വന്നതോടെ ഹിന്ദി പഠനം നിര്‍ബന്ധിതമാക്കാന്‍ വീണ്ടും സജീവ നീക്കം തുടങ്ങി.
ഈ നീക്കത്തിനെതിരെ എന്‍.ഡി.എ ഘടകകക്ഷികളായ പി.എം.കെയും എം.ഡി.എം.കെയും രംഗത്ത് വന്നിരുന്നു. ഡി.എം.കെയും നിര്‍ബന്ധിത ഹിന്ദി പഠനത്തിനെതിരെ എതിര്‍പ്പ് അറിയിച്ചിട്ടുണ്ട്. കേന്ദ്ര ആഭ്യന്തര മന്ത്രാലയത്തിന്റെ ഭാഷാ വിഭാഗമാണ് യൂണിവേഴ്‌സിറ്റികള്‍ക്ക് ഈ നിര്‍ദ്ദേശം നല്‍കിയത്. ലോ, കൊമേഴ്‌സ് വിഷയങ്ങള്‍ ഹിന്ദിയിലും പഠിപ്പിക്കണമെന്നാണ് നിര്‍ദ്ദേശം.
നിര്‍ദ്ദേശം നടപ്പിലാക്കുന്നതിന് യൂണിവേഴ്‌സിറ്റികള്‍ സ്വീകരിച്ച നടപടികള്‍ സെപ്റ്റംബര്‍ 29ന് മുന്‍പ് അറിയിക്കണമെന്നും കേന്ദ്രം നിര്‍ദ്ദേശിച്ചിരുന്നു. എല്ലാ യൂണിവേഴ്‌സിറ്റികളിലും ഇംഗ്ലീഷ് കൂടാതെ മെയ്ന്‍ ആയി ഹിന്ദിയും പഠിപ്പിക്കണമെന്നും സര്‍ക്കുലര്‍ നിര്‍ദ്ദേശിക്കുന്നു. കേന്ദ്രസര്‍ക്കാര്‍ ജീവനക്കാര്‍ സോഷ്യല്‍ മീഡിയയില്‍ ഹിന്ദി ഉപയോഗിക്കണമെന്ന നിര്‍ദ്ദേശത്തിനെതിരെയും തമിഴ്‌നാട്ടില്‍ നിന്ന് രൂക്ഷമായഎതിര്‍പ്പ് ഉയര്‍ന്നിരുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
