കഠിനമായ അധ്വാനം കൊണ്ട് അടച്ചുപൂട്ടുമെന്ന് കരുതിയിരുന്ന നഴ്സിങ് സ്ഥാപനത്തെ മികവിന്റെ കേന്ദ്രമാക്കി മാറ്റി ബ്രിട്ടനിലെ നോര്ത്തേണ് അയര്ലന്ഡിലുള്ള മലയാളി നഴ്സ്
അല്ലേലും മലയാളി പൊളിയാണ് . ബാക്കിയുള്ള പല രാജ്യക്കാരും ശരീരമുപയോഗിച്ച് കഠിനാധ്വാനം ചെയ്തു കഷ്ടപ്പെടുമ്പോള് മലയാളികള് അധ്വാനിക്കുക ശരീരം ഉപയോഗിച്ച് മാത്രമല്ല മറിച്ച് ബുദ്ധി കൂടി ഉപയോഗിക്കും അങ്ങനെ പല നേട്ടങ്ങളും മലയാളികള് കൈക്കലാക്കിയതും വെട്ടിപിടിച്ചതുമായ കാര്യങ്ങള് നമുക്കറിയാമല്ലോ ? ഇപ്പോഴിതാ അത്തരത്തില് കഠിനമായ അധ്വാനം കൊണ്ട് അടച്ചുപൂട്ടുമെന്ന് കരുതിയിരുന്ന നഴ്സിങ് സ്ഥാപനത്തെ മികവിന്റെ കേന്ദ്രമാക്കി മാറ്റിയിരിക്കുകയാണ് ബ്രിട്ടനിലെ നോര്ത്തേണ് അയര്ലന്ഡിലുള്ള മലയാളി നഴ്സ് .
മികച്ച നേതൃപാടവം ,കഠിനാധ്വാനാം ഇവ രണ്ടുമുപയോഗിച്ചാണ് വിന്സി വിന്സന്റ് എന്ന ഈ നഴ്സസ് ഇപ്പോള് ബെല്ഫാസ്റ്റിലെ കോളിന്വേല് നഴ്സിങ് ഹോമിന് തുടര്ച്ചയായ രണ്ടാംവര്ഷവും ''ടോപ്-20 കെയര് ഹോം അവാര്ഡ്'' നേടിക്കൊടുത്താത് അതോടെ ഹോം മാനേജരായ വിന്സി അഭിമാനതാരമായി മാറുകയും ചെയ്തു
2015ല് കോളിന്വേല് നഴ്സിങ് ഹോം അടച്ചുപൂട്ടല് ഭീഷണി നേരിട്ടപ്പോഴാണ് വിന്സി ഇവിടെ മാനേജരായി എത്തുന്നത്. അന്നുമുതല് ഒട്ടേറെ വെല്ലുവിളികളെ നേരിട്ടാണ് നഴ്സിങ് ഹോമിനെ വളര്ത്തിയതും രീതിയിലാക്കിയതും മികവിന്റെ കേന്ദ്രമാക്കി മാറ്റിയതും.
ഡിമന്ഷ്യാ ബാധിച്ച രോഗികളുടെ പരിചരണത്തിനും സംരക്ഷണത്തിനുമായി ഊര്ജസ്വലതയോടെയും പുഞ്ചിരിയോടെയും അഹോരാത്രം അധ്വാനിച്ചതിന്റെ ഫലമാണ് ഈ അംഗീകാരവും ബഹുമതിയും. കെയര്ഹോമിലെ അന്തേവാസികളുടെ ബന്ധുജനങ്ങളുടെ അഭിപ്രായം അടിസ്ഥാനമാക്കിയാണ് ടോപ് -20 കെയര് അവാര്ഡുകള് നിര്ണയിക്കുന്നത്. തുടര്ച്ചയായ രണ്ടാംവര്ഷവും അവാര്ഡ് നിലനിര്ത്താന് കോളിന്വേല് നഴ്സിങ് ഹോമിനു കഴിഞ്ഞത് വിന്സിയുടെ നേതൃത്വത്തില് സ്റ്റാഫ് അംഗങ്ങള് നടത്തിയ ടീം വര്ക്കിന്റെ ഫലമാണ്.
ഇടുക്കി ജില്ലയിലെ തൊടുപുഴയില്നിന്നും ബെല്ഫാസ്റ്റിലെ ക്ലോന്റര ഗ്രൂപ്പില് കെയര് അസിസ്റ്റന്റായാണ് വിന്സി ജോലി ആരംഭിച്ചത്. പിന്നീട് പടിപടിയായി ഉയര്ന്ന് ഡെപ്യൂട്ടി മാനേജര് പദവി വരെയെത്തി. തുടര്ന്ന് മൂന്നുവര്ഷം ബെല്ഫാസ്റ്റ് റോയല് ഹോസ്പിറ്റലില് അത്യാഹിത വിഭാഗം നഴ്സായി സേവനം അനുഷ്ഠിച്ചു. പിന്നീടാണ് പലരുടെയും അഭ്യര്ഥന മാനിച്ച് കോളിന്വേല് നഴ്സിങ് ഹോം മാനേജരായി മടങ്ങിയെത്തിയത്.
ജോലിക്കൊപ്പം നേര്ത്തേണ് അയര്ലന്ഡിലെ പല മലയാളി കൂട്ടായമകളിലും സജീവമാണ് വിന്സി. തൊടുപുഴ വേങ്ങയില് കുടുംബാംഗമാണ്. ഭര്ത്താവ് വയനാട് കണ്ടംതുരുത്തില് ജോഷി പീറ്റര്. ജോവിന, ജോവിസ്, ഡേവിസ് എന്നിവരാണ് മക്കള്.
"
https://www.facebook.com/Malayalivartha
