ലോക് ഡൗൺ മൂലം ഗൾഫ് രാഷ്ട്രങ്ങളിൽ കുടുങ്ങിപ്പോയ പ്രവാസികളെ തിരികെ എത്തിക്കുന്നത് വഴി നാട്ടിൽ കുടുങ്ങിപ്പോയ പ്രവാസികളെയും തിരികെ എത്തിക്കാൻ പദ്ധതി. യുഎഇയ്ക്ക് പിന്നാലെ പ്രവാസികൾക്ക് കേരളത്തിൽ നിന്ന് ബഹ്റൈനിലേക്ക് വരാൻ മെയ് 26ന് എയർ ഇന്ത്യ എക്സ്പ്രസ് വിമാനം ഒരുക്കുകയുണ്ടായി. കോഴിക്കോട് നിന്നുള്ള വിമാനത്തിൽ ബഹ്റൈൻ പൗരൻമാർക്കും റസിഡൻറ് പെർമിറ്റ് പ്രാബല്യത്തിലുള്ളവർ ക്കും യാത്ര അനുവദിക്കുകയും ചെയ്തിട്ടുണ്ട്.

എന്നാൽ 25000 രൂപയാണ് നിലവിലുള്ള ടിക്കറ്റ് നിരക്ക് ഏർപ്പെടുത്തിയിരിക്കുന്നത്. അതോടൊപ്പം തെന്നെ ബഹ്റൈനിലേക്ക് യാത്ര ചെയ്യാൻ നേരത്തെ ടിക്കറ്റ് ബുക്ക് ചെയ്തിട്ടുള്ളവർക്ക് അനുവദിച്ചിട്ടുള്ള വിമാനത്തിലേക്ക് ടിക്കറ്റ് മാറ്റിയെടുക്കാൻ സാധിക്കുകയും ചെയ്യുന്നതായിരിക്കും. തുടർന്ന് ടിക്കറ്റ് നിരക്കിലെ അന്തരമുള്ള തുകയും മാറ്റിയെടുക്കുന്നതിനുള്ള ചാർജും നൽകിയാൽ മതിയാകും എന്നാണ് അധികൃതർ വ്യക്തമാക്കുന്നത്.

അതേസമയം, യാത്രാ നിയന്ത്രണം കാരണം കാൻസൽ ചെയ്ത വിമാനത്തിന് ടിക്കറ്റെടുത്തവരാണെങ്കിൽ ടിക്കറ്റ് നിരക്കിലെ അധികമുള്ള തുക മാത്രം നൽകിയാൽ മതിയാകും.ഒപ്പം നേരത്തെ തന്നെ തിരുവനന്തപുരത്തുനിന്ന് ബഹ്റൈനിലേക്ക് എയർ ഇന്ത്യ എക്സ്പ്രസ് രണ്ട് പ്രത്യേക സർവീസുകൾ നടത്തിയിരുന്നു.ബഹ്റൈനിലേക്ക് അടിയന്തരമായി എത്താൻ കാത്തുനിൽക്കുന്നവർക്ക് ഇങ്ങോട്ടുള്ള പ്രത്യേക സർവിസ് അനുഗ്രഹമാണ്. എന്നാൽ, കഴിഞ്ഞ സർവിസ് ടിക്കറ്റ് നിരക്ക് കുത്തനെ ഉയർന്നത് പലർക്കും തിരിച്ചടിയായി മാറിയിരുന്നു. അരലക്ഷം രൂപ വരെയാണ് ടിക്കറ്റ് നിരക്ക് ഉയർന്നിരുന്നത്.