ദോഹയില്‍ ഇനി കാര്യങ്ങള്‍ മാറി മറിയും... സൂചന നല്‍കി അബ്ദുല്‍ അസീസ് മുഹമ്മദ് അല്‍ കഅബി
വിരല്‍ തുമ്പിലെ വിസ്മങ്ങള്‍ സൈബര്‍ ലോകം നമുക്ക് സമ്മാനിച്ചതാണ്. പക്ഷെ വിരലൊന്ന് തെറ്റിയാല്‍ കാത്തിരിക്കുന്നത് വന്‍ അപകടമാണെന്ന് നമ്മള്‍ മറക്കരുത്. പറയുന്നത് ഇത്ര മാത്രം ദോഹയില്‍ ഇനി കാര്യങ്ങള്‍ മാറി മറിയും. സൂചന നല്‍കി അബ്ദുല്‍ അസീസ് മുഹമ്മദ് അല്‍ കഅബി വന്നു കഴിഞ്ഞു.
ഈയടുത്ത് സൈബര്‍ കുറ്റകൃത്യങ്ങള്‍ ഏറെ കൂടാന്‍ കാരണം ഇന്റര്‍നെറ്റിന്റെ ഉപയോഗത്തില്‍ വന്ന വന്‍വര്‍ധനവാണ് എന്ന തിരിച്ചറിവാണ് പുതിയ ബോധവല്‍ക്കണത്തിനും തീരുമാനങ്ങള്‍ക്കും പിന്നില്‍. ആഭ്യന്തരമന്ത്രാലയത്തിന്റെ കീഴിലെ സാമ്പത്തിക സൈബര്‍ കുറ്റകൃത്യം തടയല്‍ വകുപ്പാണ് ഇക്കാര്യം അറിയിച്ചത്. ഇന്റര്‍നെറ്റിനെ അമിതമായി ആശ്രയിക്കുന്ന സാഹചര്യം സംജാതമായതോടെ സൈബര്‍ കുറ്റകൃത്യങ്ങളും കൂടിയിരിക്കുകയാണെന്ന് വകുപ്പിലെ മുതിര്‍ന്ന ഉദ്യോഗസ്ഥനായ ലെഫ്. എന്‍ജിനീയര്‍ അബ്ദുല്‍ അസീസ് മുഹമ്മദ് അല്‍ കഅബി പറഞ്ഞു.
ആഭ്യന്തരമന്ത്രാലയത്തിന്റെ പബ്ലിക് റിലേഷന്‍സ് വകുപ്പുമായി ചേര്‍ന്നുള്ള ഓണ്‍ലൈന്‍ ബോധവത്കരണ പരിപാടിയില്‍ സംസാരിക്കുകയായിരുന്നു അദ്ദേഹം. മറ്റുള്ളവരെ ഭീഷണിപ്പെടുത്താനോ ബ്ലാക്ക്മെയില്‍ ചെയ്യാനോ ഇന്റര്‍നെറ്റോ മറ്റ് വിവരസാങ്കേതികവിദ്യയോ ദുരുപയോഗപ്പെടുത്തുന്നവര്‍ക്ക് മൂന്നുവര്‍ഷത്തില്‍ കൂടാത്ത ജയില്‍ ശിക്ഷയോ ഒരുലക്ഷം റിയാലില്‍ കൂടാത്ത പിഴയോ ഒരുമിച്ചോ അതല്ലെങ്കില്‍ ഇവയില്‍ ഏതെങ്കിലും ഒന്നോ ശിക്ഷയായി ലഭിക്കുമെന്നും അദ്ദേഹം പറഞ്ഞു.
കുട്ടികള്‍ക്ക് അശ്രദ്ധമായി ഫോണുകള്‍ ഉപയോഗിക്കാന്‍ മാതാപിതാക്കള്‍ അനുവദിക്കരുത്. കുട്ടികളുടെ ഫോണുകളില്‍ ദോഷകരമായ ആപ്പുകളോ മറ്റ് കാര്യങ്ങളോ ഉണ്ടോ എന്ന് കൃത്യമായി തുടര്‍ നിരീക്ഷണം നടത്തണമെന്നും അദ്ദേഹം പറഞ്ഞു. ക്രെഡിറ്റ് കാര്‍ഡ്, എ.ടി.എം തട്ടിപ്പുകേസുകള്‍ പരിഹരിക്കുന്നതില്‍ ഖത്തര്‍ മുന്‍പന്തിയിലുണ്ട്. 2011 മുതലുള്ള തട്ടിപ്പുകളുമായി ബന്ധപ്പെട്ട എല്ലാവരെയും പിടികൂടാനായിട്ടുണ്ടെന്നും ഇക്കാര്യത്തില്‍ 100 ശതമാനമാണ് വിജയമെന്നും സാമ്പത്തിക സൈബര്‍ കുറ്റകൃത്യ പ്രതിരോധ വിഭാഗം പറയുന്നു.
ആഭ്യന്തര മന്ത്രാലയത്തിലെ ജനറല്‍ ഡയറക്ടറ്റേ് ഓഫ് ക്രിമിനല്‍ ഇന്‍വെസ്റ്റിഗേഷന് കീഴിലാണ് ഇ ആന്‍ഡ് സി.സി.സി.ഡി പ്രവര്‍ത്തിക്കുന്നത്. മാസ്റ്റര്‍കാര്‍ഡ്, വിസ എന്നിവയുമായി ബന്ധപ്പെട്ട അതോറിറ്റികളുമായി വകുപ്പിന് മികച്ച ബന്ധമാണുള്ളത്. തട്ടിപ്പുകളിലും മറ്റും ഉചിതമായ നടപടികള്‍ വളരെ നേരത്തെ സ്വീകരിക്കുന്നതിന് ഈ ബന്ധം സഹായകമാകുന്നുണ്ട്. തട്ടിപ്പ് ചെക്കുകളുമായി ബന്ധപ്പെട്ട കേസുകളും ഖത്തറില്‍ റിപ്പോര്‍ട്ട് ചെയ്യുന്നുണ്ട്. രാജ്യത്തിനു പുറത്തുനിന്നാണ് പലപ്പോഴും ഇത്തരക്കാര്‍ പ്രവര്‍ത്തിക്കുന്നത്.
"
https://www.facebook.com/Malayalivartha
