അബുദാബി കടക്കാന് ഇനി വലിയ കടമ്പ ആപ്പില് 'ഇ' തെളിഞ്ഞില്ലെങ്കില് രക്ഷയില്ല
പാലം കുലിങ്ങിയാലും കേളന് കുലുങ്ങില്ല എന്ന ചൊല്ല് പോലെയാണ് അബുദാബിയില് കാര്യങ്ങള്. കൊറോണ വൈറസ് മഹാമാരിയുടെ പശ്ചാത്തലത്തില് ഇനി എന്തൊക്കെ വന്നാലും അബുദാബി കടക്കണമെങ്കില് കാര്യങ്ങള് കടുപ്പമാണ്.
അബുദാബിയിലേക്കുള്ള പ്രവേശനത്തിന് നിബന്ധനകള് കര്ശനമാക്കി കഴിഞ്ഞു അധികൃതര്. 48 മണിക്കൂറിനകമുള്ള പിസിആര് ടെസ്റ്റോ 24 മണിക്കൂറിനകമുള്ള ലേസര് ഡിപിഐ ടെസ്റ്റോ നടത്തി നെഗറ്റീവ് ഫലമുള്ളവരെ മാത്രമേ പ്രവേശിപ്പിക്കൂ. നിലവില് 72 മണിക്കൂറിനകം എടുത്ത പിസിആര്/ഡിപിഐ മതിയായിരുന്നു. തുടര്ച്ചയായി 2 തവണ ഡിപിഐ ടെസ്റ്റ് എടുത്ത് അബുദാബിയിലേക്കു പ്രവേശിക്കാനാവില്ല. കോവിഡ് പകര്ച്ച തടഞ്ഞ് പൊതുജന സുരക്ഷ ഉറപ്പാക്കുന്നതിന്റെ ഭാഗമായാണ് നിയന്ത്രണമെന്ന് ദേശീയ അത്യാഹിത ദുരന്ത നിവാരണ സമിതി അറിയിച്ചു.
48 മണിക്കൂറിനകമുള്ള പിസിആര് ടെസ്റ്റ് എടുത്ത് പ്രവേശിക്കുന്നവര് അബുദാബിയില് തുടരുകയാണെങ്കില് നാലാം ദിവസവും എട്ടാം ദിവസവും പിസിആര് ടെസ്റ്റ് എടുക്കല് നിര്ബന്ധം. 24 മണിക്കൂറിനകം എടുത്ത ലേസര് ഡിപിഐ ടെസ്റ്റ് നെഗറ്റീവ് ഫലവുമായി പ്രവേശിക്കുന്നവര് അബുദാബിയില് തുടരുകയാണെങ്കില് മൂന്നാം ദിവസവും ഏഴാം ദിവസവും പിസിആര് ടെസ്റ്റ് എടുക്കണം. പരിശോധിച്ചില്ലെങ്കില് പിഴത്തുകയും കടുപ്പിച്ചിരിക്കുന്നു. നിശ്ചിത ദിവസം പിസിആര് ടെസ്റ്റ് എടുക്കാത്തവര്ക്ക് 5000 ദിര്ഹമാണ് പിഴ.
വാക്സീന് സ്വീകരിച്ചാല് ഇനി എങ്ങനെ എന്ന് നോക്കാം. രണ്ടാമത്തെ ഡോസ് വാക്സീന് എടുത്ത് 28 ദിവസം കഴിഞ്ഞാണ് അല്ഹൊസന് ആപ്പില് 'ഇ' തെളിയുക. ഇങ്ങനെയുള്ളവര്ക്ക് പരിശോധന കൂടാതെ അതിര്ത്തി കടക്കാനാവും. എന്നാല് ആഴ്ചതോറും പിസിആര് ടെസ്റ്റ് എടുത്താലെ ആപ്പില് 'ഇ' നിലനിര്ത്താനാകൂ.
"
https://www.facebook.com/Malayalivartha
