ഖത്തര്‍ അമീര്‍ യു.എ.ഇ സന്ദര്‍ശിച്ചു
ഖത്തര്‍ അമീര്‍ ശൈഖ് തമീം ബിന്‍ ഹമദ് ആല്‍ ഥാനി യു.എ.ഇ സന്ദര്‍ശിച്ചു. അബൂദബി കിരീടാവകാശിയും യു.എ.ഇ സായുധ സേനാ ഡെപ്യൂട്ടി സുപ്രീം കമാന്‍ഡറുമായ ജനറല്‍ ശൈഖ് മുഹമ്മദ് ബിന്‍ സായിദ് ആല്‍ നഹ്യാനുമായി അദ്ദേഹം കൂടിക്കാഴ്ച നടത്തി. ഇരുരാജ്യങ്ങളെയും ബാധിക്കുന്ന ഒട്ടേറെ വിഷയങ്ങള്‍ ഇരുവരും ചര്‍ച്ച ചെയ്തു. വിവിധ മേഖലകളില്‍ ഇരുരാജ്യങ്ങളും തമ്മില്‍ സഹകരണം ശക്തമാക്കേണ്ടതുണ്ടെന്ന് ചര്‍ച്ചയില്‍ അഭിപ്രായമുയര്‍ന്നു.
മേഖലയുടെ സുരക്ഷയെയും സുസ്ഥിരതയെയും ബാധിക്കുന്ന ഭീഷണികളെ യോജിച്ച് നേരിടണമെന്ന് ശൈഖ് മുഹമ്മദ് ബിന്‍ സായിദ് പറഞ്ഞു. ഇക്കാര്യത്തില്‍ പ്രസിഡന്റ് ശൈഖ് ഖലീഫ ബിന്‍ സായിദ് ആല്‍ നഹ്യാന്റെ നേതൃത്വത്തില്‍ ശ്രദ്ധേയമായ ചുവടുവെപ്പുകളാണ് യു.എ.ഇ നടത്തുന്നത്. ജി.സി.സി രാജ്യങ്ങളുമായി സൗഹൃദവും സഹകരണവും പുലര്‍ത്തുന്ന സമീപനമാണ് രാജ്യത്തിന്‍േറതെന്നും ശൈഖ് മുഹമ്മദ് വിശദീകരിച്ചു. ഖത്തറിന് യു.എ.ഇ നല്‍കുന്ന പിന്തുണക്ക് അമീര്‍ നന്ദി പറഞ്ഞു. ഒരുദിവസത്തെ സന്ദര്‍ശനം പൂര്‍ത്തിയാക്കി അദ്ദേഹം മടങ്ങി.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
