നജ്റാനിനടുത്ത് ഉണ്ടായ വാഹനാപകടത്തില് മരിച്ച രണ്ട് നഴ്സുമാരുടെ മൃതദേഹങ്ങള് നാട്ടിലയച്ചു.... . തിരുവനന്തപുരം വിമാനത്താവളത്തിലെത്തിക്കുന്ന മൃതദേഹങ്ങള് നോര്ക്കയുടെ ആംബുലന്സുകളില് സ്വദേശത്തേക്ക് എത്തിക്കും
നജ്റാനിനടുത്ത് ഉണ്ടായ വാഹനാപകടത്തില് മരിച്ച രണ്ട് നഴ്സുമാരുടെ മൃതദേഹങ്ങള് നാട്ടിലയച്ചു. കോട്ടയം സ്വദേശി ഷിന്സി ഫിലിപ്പ് (28), തിരുവനന്തപുരം സ്വദേശി അശ്വതി വിജയന് (31) എന്നിവരുടെ മൃതദേഹങ്ങളാണ് നാട്ടിലയച്ചത്.
നജ്റാന് കിങ് ഖാലിദ് ആശുപത്രിയിലെ നഴ്സുമാരായ ഇവര് സഞ്ചരിച്ച വാഹനത്തില് മറ്റൊരു വാഹനം വന്നിടിച്ചാണ് അപകടമുണ്ടായത്.നജ്റാനില്നിന്നും 100 കിലോമീറ്റര് അകലെ യദുമ എന്ന സ്ഥലത്തിന് അടുത്തുവെച്ചായിരുന്നു അപകടം നടന്നത്.
അപകടത്തില് ഗുരുതര പരിക്കേറ്റ ഇരുവരും സംഭവസ്ഥലത്തുതന്നെ മരിക്കുകയായിരുന്നു. അപകടത്തില് സ്നേഹ, റിന്സി എന്നീ രണ്ട് നഴ്സുമാര്ക്കും ഡ്രൈവറായിരുന്ന അജിത്തിനും പരിക്ക് പറ്റിയിരുന്നു. ഇവര് നജ്റാനിലെ വിവിധ ആശുപത്രികളില് ചികിത്സയിലായിരുന്നു.
ജിദ്ദ ഇന്ത്യന് കോണ്സുലേറ്റ് കമ്യൂണിറ്റി വെല്ഫയര് വിഭാഗം കോണ്സല് ഡോ. മുഹമ്മദ് അലീം, ട്രാന്സലേറ്റര് ആസിം അന്സാരി, നജ്റാന് പ്രതിഭ സാംസ്കാരിക വേദി ഭാരവാഹികളും ജിദ്ദ ഇന്ത്യന് കോണ്സുലേറ്റ് കമ്യൂണിറ്റി വെല്ഫെയര് വളന്റിയര്മാരുമായ അനില് രാമചന്ദ്രന്, അബ്ദുല് ഗഫൂര് എന്നിവരുടെ കൂട്ടായ ശ്രമഫലമാണ് ഇത്രയും പെട്ടെന്ന് തന്നെ മരിച്ചവരുടെ മൃതദേഹങ്ങള് നാട്ടിലയക്കാന് സാധിച്ചത്.
നടപടിക്രമങ്ങള് പൂര്ത്തിയാക്കാന് താര് ട്രാഫിക് പൊലീസ് മേധാവി, നജ്റാന് ഗവര്ണറേറ്റ് ഉദ്യോഗസ്ഥര്, കിങ് ഖാലിദ് ആശുപത്രി ഉദ്യോഗസ്ഥര്, നജ്റാന് റീജന് ആരോഗ്യവകുപ്പ് ഉദ്യോഗസ്ഥര് എന്നിവരുടെ സഹകരണവും സഹായവും കൃത്യസമയത്ത് ലഭിച്ചിരുന്നു.
നോര്ക്ക സി.ഇ.ഒ ഹരികൃഷ്ണന് നമ്ബൂതിരി നിരന്തരം അന്വേഷിച്ച് കാര്യങ്ങള് വിലയിരുത്തിയിരുന്നു. തിരുവനന്തപുരം വിമാനത്താവളത്തിലെത്തിക്കുന്ന മൃതദേഹങ്ങള് നോര്ക്കയുടെ ആംബുലന്സുകളില് സ്വദേശത്തേക്ക് എത്തിക്കും.
"
https://www.facebook.com/Malayalivartha
