പ്രവാസി മലയാളി ദമ്മാമില് ഹൃദയാഘാതത്തെ തുടര്ന്ന് അന്തരിച്ചു
പ്രവാസി മലയാളി ദമ്മാമില് ഹൃദയാഘാതത്തെ തുടര്ന്ന് അന്തരിച്ചു. ഒഐസിസി കൊല്ലം ജില്ലാ ജനറല് സെക്രട്ടറി ഷിബു ജോയ് (46) ആണ് മരിച്ചത്. കൊല്ലം ചിറ്റുമല സ്വദേശി കരീംതോട്ടുവ ഷിബു ജോയ് 20 വര്ഷമായി പ്രവാസിയാണ്. ദമ്മാം വെസ്കോസ കമ്പനി ജീവനക്കാരനാണ്. രാവിലെ ജോലി സ്ഥലത്തുവെച്ച് ശാരീരിക അസ്വസ്ഥത അനുഭവപ്പെടുകയും ദമ്മാം തദാവി ആശുപത്രിയില് പ്രവേശിപ്പിച്ചെങ്കിലും മരണം സംഭവിക്കുകയുമായിരുന്നു. ഷിബു ജോയിയുടെ ആകസ്മിക വിയോഗവാര്ത്ത സഹപ്രവര്ത്തകര്ക്കിടയില് ദുഖം പടര്ത്തി.
മരണവിവരമറിഞ്ഞ് ഒ.ഐ.സി.സി നേതാക്കള് ആശുപത്രിയിലെത്തി. ദമ്മാമിലെ ഒ.ഐ.സി.സി യുടെ രൂപവത്കരണ കാലം മുതല് സംഘടനാ പ്രവര്ത്തനത്തില് സജീവമായിരുന്ന ഷിബു ജോയ് സൈബര് ഇടങ്ങളിലും നിറസാന്നിധ്യമായിരുന്നു. ഭാര്യ: സോണി. രണ്ട് മക്കളുണ്ട്. മൃതദേഹം നാട്ടിലേക്ക് കൊണ്ടുപോകുന്നതിന് സാമൂഹികപ്രവര്ത്തകന് നാസ് വക്കം സഹായവുമായി രംഗത്തുണ്ട്.
ഷിബു ജോയിയുടെ നിര്യാണത്തില് കൊല്ലം ജില്ലാ ഒ.ഐ.സി.സി അനുശോചനം രേഖപ്പെടുത്തി. മികച്ച ഒരു സംഘടനാപ്രവര്ത്തകനേയും ജനാധിപത്യ മൂല്യങ്ങള്ക്ക് വേണ്ടി ശബ്ദിക്കുകയും പ്രതിരോധം തീര്ക്കുകയും ചെയ്ത കോണ്ഗ്രസ് പ്രവര്ത്തകനെയുമാണ് ഷിബു ജോയിയുടെ നിര്യാണം മൂലം നഷ്ടമായതെന്ന് അനുശോചന സന്ദേശത്തില് പറഞ്ഞു.
https://www.facebook.com/Malayalivartha
