തിങ്കളാഴ്ച നാട്ടിൽ നിന്നും സന്തോഷത്തോടെ യുഎഇയിലേക്ക് മടങ്ങിയെത്തിയതേയുള്ളൂ ആ കുടുംബം... പക്ഷേ, ഫ്ലാറ്റിലേക്ക് പോകുന്ന വഴി അർധരാത്രി ഫുജൈറ കോടതിക്ക് മുന്നിൽ അവരെ കാത്തിരുന്നത് വലിയൊരു ദുരന്തമായിരുന്നു! മലപ്പുറം വേങ്ങര സ്വദേശികളായ ഇരട്ട സഹോദരങ്ങളും മൂന്ന് വയസ്സുകാരൻ കുഞ്ഞുമടക്കം ഒരു കുടുംബത്തിലെ മൂന്ന് ജീവനുകളാണ് ഒറ്റ നിമിഷം കൊണ്ട് പൊലിഞ്ഞത്. ഏഴ് പേർ സഞ്ചരിച്ചിരുന്ന കാർ ട്രക്കിന് പിന്നിൽ ഇടിച്ചുകയറിയാണ് അപകടമുണ്ടായത്.