എമിറേറ്റ്സ് വിമാനസര്വീസുകള്ക്ക് 20 ശതമാനം കിഴിവ്
ഗള്ഫ് ആസ്ഥാനമായ എയര്ലൈന്സായ എമിറേറ്റ്സ് തിരുവനന്തപുരം അടക്കമുള്ള ഇന്ത്യന് നഗരങ്ങളിലെ ഫുട്ബോള് പ്രേമികള്ക്ക് അവരുടെ ഇഷ്ടടീമുകളുടെയും താരങ്ങളുടെയും പ്രകടനം കാണാനും ആവേശഭരിതരാകാനും അവസരമൊരുക്കുന്നു.
ലണ്ടന്, പാരീസ്, സൂറിച്ച്, ഫ്രാങ്ക്ഫര്ട്ട് എന്നിവ അടക്കമുള്ള തെരഞ്ഞെടുത്ത യൂറോപ്യന് നഗരങ്ങളിലേക്ക് അമേരിക്ക, ആഫ്രിക്ക, ഇന്ത്യ മഹാസമുദ്രം എന്നിവിടങ്ങളിലെ തെരഞ്ഞെടുത്ത ലക്ഷ്യസ്ഥാനങ്ങളിലേക്കും ഇക്കോണമി, ബിസിനസ് ക്ലാസുകളില് 20 ശതമാനം വരെ കിഴിവാണ് എമിറേറ്റ്സ് പ്രഖ്യാപിച്ചിരിക്കുന്നത്. എമിറേറ്റ്സിന് സര്വീസുള്ള പത്ത് ഇന്ത്യന് നഗരങ്ങളില് നിന്നും 2014 മാര്ച്ച് 31 വരെയുള്ള യാത്രകള്ക്കാണ് ഇക്കോണമി, ബിസിനസ് ക്ലാസുകളില് ഡിസ്കൗണ്ട് ലഭ്യമാകുക.
ലണ്ടന്, ബര്മിംഗ്ഹാം, പാരിസ്, ആംസ്റ്റര്ഡാം, ബാഴ്സലോണ, ഫ്രാങ്ക്ഫര്ട്ട്, മ്യൂണിച്ച്, ഇസ്താന്ബുള്, റോം, വാഷിംഗ്ടണ്, ഹൂസ്റ്റണ്, ന്യൂയോര്ക്ക്, ലോസ് ആഞ്ചല്സ്, സാന്ഫ്രാന്സിസ്കോ, ഡാളസ്, സിയാറ്റില്, സാവോ പോളോ, കേപ് ടൗണ്, മൗറീഷ്യസ് എന്നിവിടങ്ങളിലേക്കാണ് യാത്രാനിരക്കില് ഇളവ് പ്രഖ്യാപിച്ചിട്ടുള്ളത്. എസി മിലാന്, റിയല് മാഡ്രിഡ്, പാരിസ് സെന്റ് ജര്മൈന്, ആഴ്സനല് എന്നിവയുടെ സ്പോണ്സര്മാരായിരുന്ന എമിറേറ്റ്സ് കമ്പനി അടുത്ത കാലത്ത് ന്യൂയോര്ക്ക് കോസ്മോസിന്റെയും സ്പോണ്സര്ഷിപ്പ് ഏറ്റെടുത്തിരുന്നു.
ഇന്ത്യയില് ഫുട്ബോളിനുള്ള പ്രിയം വര്ധിക്കുന്ന സാഹചര്യത്തിലാണ് യൂറോപ്പിലെയും തെക്കേ അമേരിക്കയിലേയും പ്രധാന ഫുട്ബോള് രാജ്യങ്ങളിലേക്കുള്ള യാത്രാനിരക്കില് ഡിസ്കൗണ്ട് പ്രഖ്യാപിക്കുന്നത്. എമിറേറ്റ്സ് വിമാനസര്വീസുകള്ക്ക് 20 ശതമാനം കിഴിവ്
https://www.facebook.com/Malayalivartha
