സൗദിയില്‍ മൊബൈല്‍ ഫോണ്‍ കണക്ഷനു വിരലടയാളം നിര്‍ബന്ധമാക്കി
സൗദിയില്‍ മൊബൈല്‍ ഫോണ്‍ കണക്ഷനു വിരലടയാളം രേഖപ്പെടുത്തണമെന്നുള്ള നിയമം ഓഗസ്റ്റ് നാലു (വ്യാഴം) മുതല്‍ പ്രാബല്യത്തിലായി. വിരലടയാളം നല്‍കാത്തവരുടെ മൊബൈല്‍ ഫോണ്‍ കണക്ഷനുകള്‍ റദ്ദു ചെയ്യുമെന്നു സൗദി ടെലികോം അതോറിറ്റി അറിയിച്ചു. കഴിഞ്ഞ ജനുവരി 21 നാണ് മൊബൈല്‍ ഫോണ്‍ കണക്ഷന്‍ ലഭിക്കുന്നതിനു ടെലികോം അതോറിറ്റി വിരലടയാളം നിര്‍ബന്ധമാക്കിയത്.
നിലവില്‍ മൊബൈല്‍ ഫോണ്‍ കണക്ഷന്‍ എടുത്തവരും തങ്ങളുടെ കണക്ഷന്‍ റദ്ദു ചെയ്യാതിരിക്കാന്‍ വിരലടയാളം നല്‍കിയിരിക്കണമെന്നു ടെലികോം അതോറിറ്റി നേരത്തെ വ്യക്തമാക്കിയിരുന്നു. 
എന്നാല്‍ കണക്ഷന്‍ റദ്ദു ചെയ്ത ദിവസം മുതല്‍ 90 ദിവസത്തിനകം വിരലടയാളം നല്‍കി കണക്ഷന്‍ പുനഃസ്ഥാപിക്കാന്‍ കഴിയുമെന്നു സൗദി ടെലികോം അതോറിറ്റി അറിയിച്ചു.
ആരുടെ ഇഖാമ ഉപയോഗിച്ചാണോ മൊബൈല്‍ ഫോണ്‍ കണക്ഷന്‍ എടുത്തതെങ്കില്‍ അവര്‍ക്കായിരിക്കും ആ ഇഖാമ നമ്പറിലുള്ള മുഴുവന്‍ മൊബൈല്‍ ഫോണ്‍ കണക്ഷന്റെയും ഉത്തരവാദിത്തമെന്നും ടെലികോം അതോറിറ്റി വ്യക്തമാക്കി.
പോസ്റ്റ് പെയ്ഡ് കണക്ഷന്‍ ഉള്ളവരും പ്രീ പെയ്ഡ് കണക്ഷന്‍ ഉള്ളവരും ഡാറ്റാ സിം എടുത്തവരും വിരലയടയാളം നല്‍കിയിരിക്കണമെന്നാണ് ടെലികോം അതോറിറ്റി അറിയിച്ചത്.
https://www.facebook.com/Malayalivartha
