ഭാര്യയുടേയും മകളുടേയും അവഗണന; കാലില്‍ പുഴുവരിച്ച് രക്തം വാര്‍ന്ന നിലയില്‍ മുന്‍ പ്രവാസി; മനസാക്ഷിയെ നടുക്കുന്ന കാഴ്ച്ച
പ്രവാസ ജീവിതത്തിന്റെ ബാക്കിപത്രം. ചോരനീരാക്കി പ്രിയപ്പെട്ടവരെ വളര്‍ത്തിയിട്ട് അവര്‍ തിരിച്ചു നല്‍കുന്നതെന്ത്. ഭാര്യയുടേയും ഏക മകളുടേയും അവഗണനയില്‍ പുഴുവരിച്ച് സ്വന്തം വീട്ടില്‍ ഇഴഞ്ഞു കഴിയുന്ന അവസ്ഥയില്‍ മുന്‍ പ്രവാസി. കായംകുളം ഒന്നാംകുറ്റി കൊത്തുള്ളി വീട്ടില്‍ മധൂസൂധനനാണ് ഉറ്റവരുടെ കൊടിയ പീഡനത്തില്‍ നരകതുല്യമായ ജീവിതം നയിക്കുന്നത്.
20 വര്‍ഷക്കാലം ദുബായില്‍ ടാക്‌സി െ്രെഡവറായിരുന്നു മധുസൂധനന്‍ കുറച്ചു വര്‍ഷങ്ങള്‍ക്ക് മുമ്പുണ്ടായ സ്‌ട്രോക്കിനെ തുടര്‍ന്നാണ് നാട്ടില്‍ തിരിച്ചെത്തിയത്. സ്‌ട്രോക്കില്‍ ഇടതുവശം തളര്‍ന്നു. അതോടെ പരസഹായമില്ലാതെ നടക്കാന്‍ കഴിയില്ലെന്ന അവസ്ഥയായി. കാലിലുണ്ടായ മുറിവ് പഴുത്ത് പുഴുവരിച്ച് രക്തം ഇറ്റുവീഴുന്ന അവസ്ഥയില്‍ വീട്ടുതിണ്ണയില്‍ ഇരിക്കുന്ന മധുസൂദനനെ കണ്ട പ്രദേശവാസിയാണ് ഇക്കാര്യം പുറംലോകത്തെ അറിയിച്ചത്.
വിവരമറിഞ്ഞ് സ്ഥലത്തെത്തിയ കായംകുളം മുന്‍സിപ്പല്‍ വൈസ് ചെയര്‍പേഴ്‌സണ്‍ ഗിരിജയുടെയും കായംകുളം സിഐ സദന്റേയും നേതൃത്വത്തില്‍ ഇയാളെ കായകുളം സര്‍ക്കാര്‍ ആശുപത്രിയില്‍ പ്രവേശിപ്പിച്ചു. കാല്‍പാദം പകുതിയോളം പുഴുവരിച്ച നിലയിലായിരുന്നു ഇയാള്‍. പ്രാഥമിക ചികിത്സ നല്‍കിയ ശേഷം വിദഗ്ദ ചികിത്സക്കായി ഇയാളെ വണ്ടാനം മെഡിക്കല്‍ കോളേജിലേക്ക് കൊണ്ടുപോയി.
നാട്ടുകാരുടെ പരാതിയില്‍ മധൂസൂധനന്റെ ഭാര്യയ്‌ക്കെതിരെ പൊലീസ് കേസെടുത്തിട്ടുണ്ട്. കേസില്‍ നടപടികളുമായി മുന്നോട്ടുപോകുമെന്ന് കായംകളും സിഐ സദന്‍ പ്രതികരിച്ചു. ഒറ്റയ്ക്ക് എഴുന്നേറ്റ് നടക്കാന്‍ പോലും കഴിയാത്ത മധുസൂദനനെ വീടിന്റെ രണ്ടാം നിലയില്‍ കിടത്തി രണ്ട് ദിവസം മുമ്പ് ഭാര്യയും മകളും വീട്ടില്‍ നിന്നും പോയതാണെന്ന് വാര്‍ഡ് കൗണ്‍സിലര്‍ കൂടിയായ ഗിരിജ പറഞ്ഞു.
ഭാര്യയുടേയും മകളുടേയും പീഡനത്തെക്കുറിച്ച് പലതവണ മധുസൂദനന്‍ എന്നോട് പരാതിപ്പെട്ടിരുന്നു. പരാതി തീര്‍പ്പാക്കാന്‍ സമീപിച്ചപ്പോഴെല്ലാം ഭര്‍ത്താവിനെ നന്നായി പരിചരിക്കുന്നുണ്ടെന്നായിരുന്നു ഭാര്യയുടെ വാദം. മധുസൂധനനെ ഭാര്യയും മകളും മര്‍ദ്ദിക്കാറുണ്ടെന്ന് നാട്ടുകാര്‍ എന്നോട് പരാതിപ്പെടാറുണ്ട്. കേസും ചീത്തവിളിയും ഭയന്ന് ഭാര്യയ്‌ക്കെതിരെ പ്രതികരിക്കാന്‍ നാട്ടുകാര്‍ മടിക്കുകയായിരുന്നു. തിങ്കളാഴ്ച്ച പ്രദേശ വാസി നല്‍കിയ വിവരമറിയിച്ച് ഒന്നാംകുറ്റിയില്‍ എത്തിയപ്പോള്‍ കാലുകള്‍ പുഴുവരിച്ച നിലയില്‍ ആയിരുന്നു മധുസൂദനന്‍. വീടിനുള്ളില്‍ മധുസൂധനന്‍ പോയ വഴികളിലെല്ലാം രക്തം തളം കെട്ടി കിടക്കുകയായിരുന്നു. ഇയാളുടെ ദുരവസ്ഥ കണ്ട് ഭാര്യയെ ഫോണില്‍ ബന്ധപ്പെട്ടെങ്കിലും കിട്ടിയില്ല. ഇതേതുടര്‍ന്ന് കൂട്ടായ തീരുമാനത്തില്‍ ആശുപത്രിയില്‍ പ്രവേശിപ്പിക്കുകയായിരുന്നു. കായംകുളം വൈസ് ചെയര്‍പേഴ്‌സണ്‍ ഗിരിജ
പറയുന്നു.
മധുസൂധനന്‍ ഗള്‍ഫില്‍ നിന്നും സമ്പാദിച്ച പണം കൊണ്ട് നിര്‍മ്മിച്ച വീട്ടാണ് ഒന്നാംകുറ്റിയിലേത്. കായംകുളം ടൗണില്‍ ഇയാളുടെ പേരില്‍ രണ്ട് ഷോപ്പുകളും ഉണ്ടായിരുന്നു. മരൂഭൂമിയില്‍ എല്ലാറ്റിനെയും മറന്ന് സ്വന്തം കുടുംബത്തിനായി ജീവിച്ച തനിക്ക് തെറ്റിപ്പോയെന്നാണ് മധുസുധനന്റെ ആത്മഗതം. അവനവനുവേണ്ടിക്കൂടി ജീവിക്കാന്‍ ശ്രമിക്കണം. ഇല്ലെങ്കില്‍..
https://www.facebook.com/Malayalivartha
