ബഹ്‌റൈനില്‍ നിയമ ലംഘനം നടത്തിയ 5710 പ്രവാസികളെ നാടുകടത്തുമെന്ന് അധികൃതര്‍ അറിയിച്ചു. ഇതില്‍ 351 പേര്‍ ആഭ്യന്തര മന്ത്രാലയത്തിന്റെ പരിശോധനയ്ക്കിടെ പിടിക്കപ്പെട്ട അനധികൃത തൊഴിലാളികളാണ്. നാടുകടത്തലുമായി ബന്ധപ്പെട്ട നടപടിക്രമങ്ങള്‍ പൂര്‍ത്തിയായി വരുന്നതായി നാഷ്ണാലിറ്റി, പാസ്‌പോര്‍ട്ട് ആന്റ് റെസിഡന്‍സ് അഫയേഴ്‌സ് (എന്‍.പി.ആര്‍.എ)യാണ് അറിയിച്ചത്.
അനധികൃത തൊഴിലാളികളെ ജോലിയില്‍ നിയമിക്കാതെയും, ഇത്തരക്കാരെ കണ്ടെത്തിയാല്‍ റിപ്പോര്‍ട്ട് ചെയ്യണമെന്നും എന്‍.പി.ആര്‍.എയുടെ നടപടിക്രമങ്ങളോട് സഹകരിക്കണമെന്നും അധികൃതര്‍ ജനങ്ങളോട് അഭ്യര്‍ത്ഥിച്ചിട്ടുണ്ട്. ബഹ്‌റൈനില്‍ നിയമ നടപടികള്‍ കര്‍ശനമാക്കിയതോടെയാണ് ഇത്രയും പ്രവാസികള്‍ പിടിയിലായതെന്നാണ് കരുതുന്നത്. 2015 ഡിസംബര്‍31 ന് അവസാനിച്ച ആറുമാസം നീണ്ട പൊതുമാപ്പ് ആനുകൂല്യത്തിന് ശേഷമാണ് അധികൃതര്‍ നിയമ നടപടികള്‍ കര്‍ശനമാക്കിയത്.