പിഞ്ചുകുഞ്ഞിനെ നിലത്തെറിഞ്ഞു കൊന്ന കേസില് മാതാ പിതാക്കളും അറസ്റ്റില്
യു.എസ്സില് 19 മാസം പ്രായമുള്ള കുഞ്ഞിനെ കൊലപ്പെടുത്തിയ സംഭവത്തില് ഇന്ത്യന് വംശജരായ മാതാപിതാക്കളെയും അറസ്റ്റ് ചെയ്തു. കുട്ടിയെ കൊലപ്പെടുത്തിയ ആയയെ കൊലക്കുറ്റത്തിന് നേരത്തെ അറസ്റ്റ് ചെയ്തിരുന്നു. ആദിയാന് ശിവകുമാര് എന്ന പിഞ്ചുകുഞ്ഞാണ് ആയയുടെ അതിക്രമത്തിന് ഇരയായത്.
ഇന്ത്യക്കാരായ തേന്മൊഴി രാജേന്ദ്രന് (24), മണിശിവകുമാര് (33) എന്നിവരെയാണ് കണക്റ്റിക്കട്ട് പോലിസ് അറസ്റ്റ് ചെയ്തത്. ന്യ ഹവാനിലെ വീട്ടില് ജനുവരി 16 നായിരുന്നു സംഭവം. ഇന്ത്യന് വംശജയായ കിന്ജല് പട്ടേല് (27) കുഞ്ഞിനെ പരിചരിക്കുന്നതിനിടെ ദേഷ്യം വന്നപ്പോള് കുഞ്ഞിനെ നിലത്തിടുകയായിരുന്നു. ശക്തയില് തല തറയിലേക്ക് ഇടിച്ചത് കാരണം തലയ്ക്ക് ഗുരുതരമായ പരിക്കേറ്റാണ് കുഞ്ഞ് മരിച്ചത്.
കുട്ടിക്ക് സുഖമില്ലെന്ന് പറഞ്ഞാണ് സംഭവം നടന്ന ബുധനാഴ്ച്ച പരിചാരിക കുട്ടിയുടെ അച്ഛന് ശിവകുമാറിനെ അറിയിച്ചത്.
വീട്ടിലെത്തിയ ശിവകുമാര് ഉടന് കുട്ടിയെ ആശുപത്രിയില് എത്തിക്കുകയായിരുന്നു. ആശുപത്രിയില് എത്തിച്ച കുട്ടിയെ സര്ജറിക്ക് വിധേയമാക്കിയെങ്കിലും തലയോട്ടിക്ക് മാരകമായ ക്ഷതം സംഭവിച്ചതിനാല് ഞായറാഴ്ച്ചയോടെ മരണം സംഭവിക്കുകയായരുന്നു.
പരുക്കിന്റെ ഉത്തരവാദിത്തം മതാപിതാക്കള്ക്കാണെന്ന് കാണിച്ചുകൊണ്ടാണ് പോലിസ് ഇവര്ക്കെതിരെ കേസ് ഫയല് ചെയ്തത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
