യു.എ.ഇയിലും നോട്ടുകള്‍ മാറ്റാന്‍ അവസരം വേണം
യു.എ.ഇയിലും നോട്ടുകള്‍ മാറ്റാന്‍ അവസരംവേണമെന്ന് ആവശ്യം
അസാധുവാക്കിയ 500, 1000 രൂപാ നോട്ടുകള്‍ മാറ്റിവാങ്ങാന്‍ യു.എ.ഇയില്‍ പ്രവര്‍ത്തിക്കുന്ന ഇന്ത്യന്‍ ബാങ്കുകളിലും അവസരം ഒരുക്കണമെന്ന് ഇന്ത്യന്‍ അസോസിയേഷന്‍ ഷാര്‍ജ പ്രസിഡണ്ട് അഡ്വ. വൈ.എ. റഹീം പ്രധാനമന്ത്രി നരേന്ദ്ര മോഡിക്ക് സമര്‍പ്പിച്ച നിവേദനത്തില്‍ ആവശ്യപ്പെട്ടു.
ഡല്‍ഹിയില്‍ വെച്ചു നടക്കുന്ന പ്രവാസി ഭാരതി കോണ്‍ഫറന്‍സില്‍ ക്ഷണിതാവായി ഡല്‍ഹിലെത്തിയ അഡ്വ. റഹീം ഇക്കാര്യവുമായി ബന്ധപ്പെട്ട് വിദേശകാര്യ മന്ത്രിയേയും കാണും. ഇന്ത്യയില്‍ നിന്നും യു.എ.ഇയിലേക്ക് വരുന്ന ഇന്ത്യക്കാര്‍ക്ക് വഴിച്ചിലവിനും മറ്റുമായി നിയമാനുസരണം കൊണ്ടുവരാവുന്ന ഇന്ത്യന്‍ കറന്‍സി 500, 1000 നോട്ടുകളാണ്. ഈ നോട്ടുകള്‍ അസാധുവാക്കിയ സാഹചര്യത്തില്‍ ഇവ കൈവശമുള്ള ഇന്ത്യക്കാര്‍ക്ക് നിയമവിധേയമായി ഈ നോട്ടുകള്‍ യു.എ.ഇയിലെ ഇന്ത്യന്‍ ബാങ്കുകളില്‍ മാറ്റി വാങ്ങാന്‍ സൗകര്യമൊരുക്കണമെന്നാണ് ആവശ്യം.
https://www.facebook.com/Malayalivartha
