മാര്ച്ച് 1 മുതല് പുതുക്കിയ കസ്റ്റംസ് നിയമം പ്രാബല്യത്തില് വരും
സെന്ട്രല് കസ്റ്റംസ് നിയമം പുതുക്കാന് തീരുമാനമായി. മാര്ച്ച് ഒന്നു മുതല് ഇത് പ്രാബല്യത്തില് വരും. ഇന്ത്യയിലേക്ക് എത്തുന്ന യാത്രക്കാര്ക്ക് പതിനായിരം രൂപയുടെ ഇന്ത്യന് കറന്സി മാത്രമേ കൈവശം വയ്ക്കാന് പാടുള്ളൂ. കൂടുതലുണ്ടെങ്കില് ഡിക്ലെയര് ചെയ്യേണ്ടി വരും. കൂടാതെ കൈവശമുള്ള ഹാന്ഡ് ബാഗ് ഉള്പ്പെടെയുള്ള ബാഗുകളുടെ എണ്ണം കൃത്യമായും അറിയിച്ചാല് മാത്രമേ ഇമിഗ്രേഷന് നടപടി പൂര്ത്തിയാവുകയുള്ളൂ.
വിദേശത്തേക്ക് പോകുന്ന ഇന്ത്യന് പൗരത്വമുള്ളവര് മാത്രം ഇനി ഇമിഗ്രേഷന് ഫോം പൂരിപ്പിച്ചു നല്കിയാല് മതി. അതുപോലെ വിദേശത്തുനിന്ന് തിരിച്ചു വരുന്ന ഇന്ത്യന് പൗരത്വമുള്ളവര് ഇമിഗ്രേഷന് ഫോം പൂരിപ്പിക്കേണ്ടതില്ല. ഫെബ്രുവരി 10 ന് കേന്ദ്ര ധനകാര്യമന്ത്രാലയം പുറത്തിറക്കിയ വിജ്ഞാപനത്തിലാണ് ഈ തീരുമാനം.
എന്നാല് ഇന്ത്യയിലെത്തുന്ന എല്ലാ യാത്രക്കാരും കസ്റ്റംസ് ഡിക്ലറേഷന് ഫോം പൂരിപ്പിച്ചു നല്കിയിരിക്കണം. ഇ#ീ ഫോമില് കൈവശമുള്ള കറന്സ്, ഗോള്ഡ് , മറ്റു നിയന്ത്രിത സാധനങ്ങള് എന്നിവയുടെ വിവരങ്ങള് ചോദിക്കുന്നുണ്ട് . ഇന്ത്യന് കസ്റ്റംസ് ഡിക്ലറേഷന് ഫോമില് മുറിച്ചെടുക്കാവുന്ന ഭാഗമായിരിക്കും ഇമിഗ്രേഷന് കാര്ഡ് .
ഇന്ത്യയിലേക്കെത്തുന്നതിനുമുമ്പ് കഴിഞ്ഞ ആറുദിവസങ്ങള്ക്കുള്ളില് എവിടെയെല്ലാം സന്ദര്ശിച്ചു എന്നുള്ളതിന്റെ വിവരങ്ങള് രേഖപ്പെടുത്തിയിരിക്കണം. കൂടാതെ വിദേശ കറന്സി, സാറ്റലൈറ്റ് ഫോണ് , വിത്തുകള്, പഴവര്ഗ്ഗങ്ങള്, പൂക്കള്, ഫിഷ്/പൗള്ട്ടറി സാധനങ്ങള് , ഡയറി പ്രോഡക്ട്സ് തുടങ്ങിയവയെപ്പറ്റിയെല്ലാം പറയുന്നുണ്ട് .
ശ്രീനഗര്, അമൃത്സര് , ജയ്പൂര് , ഡല്ഹി, അഹമ്മദാബാദ് , ഗോഹട്ടി, നാഗ്പൂര് , മുംബൈ, കൊല്ക്കത്ത, ഹൈദരാബാദ്, ഗോവ, ബാംഗ്ളൂര് , ചെന്നൈ, കോഴിക്കോട്, കോയമ്പത്തൂര് , തിരുച്ചിറപ്പളളി, കൊച്ചി, തിരുവനന്തപുരം ,പോര്ട്ട് ബ്ളെയര് എന്നീ ഇന്ത്യയിലെ 19 അന്താരാഷ്ട്ര വിമാനത്താവളങ്ങളിലാണ് ഈ കസ്റ്റംസ് സൗകര്യങ്ങള് ഏര്പ്പെടുത്തിയിട്ടുള്ളത് .
https://www.facebook.com/Malayalivartha
