ഖത്തറില്‍ ഗ്യാസ്‌ അപകടം മൂന്ന്‌ മലയാളികള്‍ ഉള്‍പ്പെടെ 12 മരണം
ദോഹയിലെ ലാന്‍ഡ്‌ മാര്‍ക്ക്‌ പെട്രോള്‍ സ്റ്റേഷന്‌ സമീപത്ത്‌ ഇസ്‌താംബുള്‍ റസ്റ്റോറന്റില്‍ ഗ്യാസ്‌ ടാങ്ക്‌ പൊട്ടിത്തെറിച്ച്‌ മൂന്ന്‌ മലയാളികള്‍ ഉള്‍പ്പെടെ 12 പേര്‍ മരിച്ചു. വ്യാഴാഴ്‌ച രാവിലെ പത്തേകാലോടെയാണ്‌ സംഭവമുണ്ടായത്‌. കെട്ടിടം തകര്‍ന്ന്‌ 12 പേര്ക്ക് പരിക്കേറ്റു. മലപ്പുറം എയര്‍പോര്‍ട്ടിന്‌ സമീപത്തെ സലീം. പയ്യോളി സ്വദേശി വടക്കേമുല്ലമറ്റത്ത്‌ സക്കറിയ കൊയിലാണ്ടി മുചുകുന്ന്‌ സ്വദേശി മാനോലിത്താഴെ റിയാസ്‌ എന്നിവരാണ്‌ മരിച്ച മലയാളികള്‍. നാല്‌ മലയാളികളെ കാണാതായതായും പറയപ്പെടുന്നു.
റസ്റ്റോറന്റിന്റെ മുകളില്‍ സൂക്ഷിച്ചിരുന്ന ഗ്യാസ്‌ ടാങ്കാണ്‌ പൊട്ടിത്തെറിച്ചത്‌. സ്‌ഫോടനത്തെ തുടര്ന്ന് തീപിടിത്തവുമുണ്ടായി. തീ ഉടന്‍ നിയന്ത്രണവിധേയമാക്കി. സ്‌ഫോടനത്തിന്റെ ആഘാതം അന്‍പത്‌ മീറ്റര്‍ ചുറ്റളവില്‍ ബാധിച്ചതായി അധികൃതര്‍ വ്യക്തമാക്കി. സമീപത്തെ ഒരു കെട്ടിടം പൂര്‍ണമായും തകര്‍ന്നിട്ടുണ്ട്‌. നിരവധി അഗനിശമന വാഹനങ്ങളും പോലീസ്‌ വാഹനങ്ങളും സംഭവസ്ഥലത്ത്‌ ക്യാമ്പ്‌ ചെയ്‌ത്‌ രക്ഷാപ്രവര്‍ത്തനങ്ങള്‍ നടത്തിവരുന്നു.
https://www.facebook.com/Malayalivartha
