സൗദി അറേബ്യയില് വിദേശികള്ക്ക് സ്വന്തം പേരില് സ്ഥാപനം ആരംഭിക്കാനുളള നിയമം പ്രാബല്യത്തില് വരുന്നു
സൗദി അറേബ്യയില് വിദേശികള്ക്ക് സ്വന്തം പേരില് ബിസ്നസ് സംരംഭങ്ങള് ആരംഭിക്കാനുള്ള നിയമം നാല് മാസത്തിനകം പ്രാബല്യത്തില് വരുമെന്ന് വാണിജ്യ, നിക്ഷേപ മന്ത്രി ഡോ. മാജിദ് അല്ഖസബി വ്യക്തമാക്കി. ബിനാമി ഇടപാടുകള് ഇല്ലാതാക്കുക എന്ന ലക്ഷ്യമാണ് ഇ പുതിയ നിയമത്തിന് പിന്നില്. വാണിജ്യ നിയമാവലിയില് ഭേദഗതി വരുത്തി നിശ്ചിത വിഹിതം ടാക്സ് ചുമത്തിക്കൊണ്ടായിരിക്കും വിദേശികള്ക്ക് സ്വന്തം പേരില് സ്ഥാപനം ആരംഭിക്കുന്നതിനുളള അനുമതി നല്കുന്നത്. 2017 പുകുതിയാകമ്പോഴേക്കും പുതിയ നിയമം പ്രാബല്യത്തില് വരും.
സൗദിയില് പുതുതായി ആരംഭിക്കുന്ന സമാന്തര വിപണി സംവിധാനത്തെക്കുറിച്ച് വിശദീകരിക്കാന് ചേര്ന്ന യോഗത്തിലാണ് വാണിജ്യ, നിക്ഷേപ മന്ത്രി ഇക്കാര്യം വ്യക്തമാക്കിയത്. ചെറുകിട, ഇടത്തരം സ്ഥാപനങ്ങള് ആരംഭിക്കാന് വിദേശികള്ക്ക് അനുമതി നല്കുന്നതിലൂടെ രാജ്യത്ത് കൂടുതല് തൊഴിലവസരങ്ങള് സൃഷ്ടിക്കുമെന്നാണ് പ്രതീക്ഷിക്കുന്നതെന്നും മന്ത്രി കൂട്ടിച്ചേര്ത്തു. വിദേശ നിക്ഷേപം രാജ്യത്തേക്ക് ആകര്ഷിക്കാനും ഇതിലൂടെ സാധിക്കും. ദശലക്ഷക്കണക്കിന് റിയാലിന്റെ നിക്ഷേപം ആവശ്യമായ ഇന്വസ്റ്റ്മെന്റ് ലൈസന്സോടെയല്ലാതെ ചെറുകിട സംരംഭങ്ങള് ആരംഭിക്കാന് വിദേശികള്ക്ക് അനുമതി നല്കുന്നത് സാമ്പത്തിക മേഖലയില് വന് ഉണര്വുണ്ടാക്കുമെന്നും മന്ത്രി കൂട്ടിച്ചേര്ത്തു.
https://www.facebook.com/Malayalivartha
