ഇന്ത്യയിലേക്ക് മള്‍ട്ടിപ്പിള്‍ എന്‍ട്രി ബിസിനസ് വിസ ആരംഭിക്കുമെന്ന് ഇന്ത്യന്‍ സ്ഥാനപതി അറിയിച്ചു
ഇന്ത്യയിലേക്ക് മള്‍ട്ടിപ്പിള്‍ എന്‍ട്രി ബിസിനസ് വിസ ആരംഭിക്കുമെന്ന് ഇന്ത്യന്‍ സ്ഥാനപതി നവദീപ് സിങ് സൂരി അറിയിച്ചു. അഞ്ചുവര്‍ഷത്തേക്കാണ് മള്‍ട്ടിപ്പിള്‍ എന്‍ട്രി ബിസിനസ് വിസ അനുവദിക്കുന്നത്. ഇന്ത്യയില്‍ നിക്ഷേപം പ്രോല്‍സാഹിപ്പിക്കാനും ബിസിനസ് വളര്‍ത്താനുമായി വ്യവസായികള്‍ക്ക് ഇന്ത്യയിലേക്ക് അടുത്ത മാസം മുതല്‍ വിസ അനുവദിക്കും. വിനോദ സഞ്ചാരം പ്രോല്‍സാഹിപ്പിക്കാനായി അഞ്ചുവര്‍ഷ മള്‍ട്ടിപ്പിള്‍ എന്‍ട്രി ടൂറിസം വിസയും സമീപകാലത്തുതന്നെ ആരംഭിക്കുമെന്ന് ഇന്ത്യന്‍ സ്ഥാനപതി പറഞ്ഞു. ഇന്ത്യയും യുഎഇയും തമ്മിലുള്ള ഉഭയകക്ഷി ബന്ധത്തില്‍ വന്‍ പുരോഗതിയാണ് കൈവരിച്ചിരിക്കുന്നതെന്നും അദ്ദേഹം കൂട്ടിചേര്‍ത്തു.
ബിസിനസുകാരായ യുഎഇ പൗരന്‍മാര്‍, യുഎഇയില്‍ താമസവിസയുള്ളവര്‍ തുടങ്ങിയവര്‍ക്കാണ് മള്‍ട്ടിപ്പിള്‍ എന്‍ട്രി വീസ നല്‍കുന്നത്. 1500 ദിര്‍ഹമാണ് വിസ ഫീസ്. ബിസിനസ് ആവശ്യത്തിനായി ഇന്ത്യയിലേക്ക് പലവട്ടം പോകേണ്ടിവരുമ്പോള്‍ ഓരോ തവണയും വിസ എടുക്കേണ്ടതുള്‍പ്പെടെയുള്ള നടപടികള്‍ ഒഴിവാക്കാനാണ് പുതിയ സംവിധാനം. ഇന്ത്യ നിക്ഷേപ സൗഹൃദരാജ്യമാണ് എന്നുള്ളത് വ്യക്തമാക്കുന്നതാണു നടപടി. മള്‍ട്ടിപ്പിള്‍ എന്‍ട്രി ടൂറിസം വിസ സംവിധാനം ഉടനെയുണ്ടാകും. ബയോമെട്രിക് സംവിധാനം ഉള്‍പ്പെടെയുള്ള നടപടികള്‍ സംബന്ധിച്ച ജോലികള്‍ തീര്‍ക്കാനുള്ളതിനാലാണ് ഇത് വൈകുന്നത്.
https://www.facebook.com/Malayalivartha
