ഷാര്ജയില് മലയാളികള് ഉള്പ്പെടെ നൂറോളം തൊഴിലാളികളുടെ താമസസ്ഥലം കത്തിനശിച്ചു
ഷാര്ജയിലെ ഖോര്കല്ബയില് മലയാളികള് ഉള്പ്പെടെ നൂറോളം തൊഴിലാളികളുടെ താമസസ്ഥലം പൂര്ണമായും കത്തിനശിച്ചു. തൊഴിലാളികള് ജോലിക്ക് പോയിരുന്നതിനാല് ആളപായമുണ്ടായില്ല. രാവിലെ പത്തരയോടെയാണ് അഗന്ബാധ ഉണ്ടായത്. അടുക്കളഭാഗത്തു നിന്നാണ് തീ പടര്ന്നതെന്ന് കരുതുന്നു. ഗ്യാസ് സിലിണ്ടറുകള് പൊട്ടിത്തെറച്ചത് അപകട സാധ്യത വര്ദ്ധിപ്പിച്ചു. മരവും ഇരുമ്പു പൈപ്പും ഉപയോഗിച്ചു പണിത താല്കാലികകേന്ദ്രമാണു ചാമ്പലായത്. ലക്ഷങ്ങളുടെ നഷ്ടമാണ് കണക്കാക്കുന്നത്. വിലപ്പെട്ട രേഖകള് ഉള്പ്പടെ പണം, മൊബൈലുകള്, ലാപ്ടോപ്പുകള്, വസ്ത്രങ്ങള് എന്നിവയും കത്തിനശിച്ചു.
ശക്തമായ കാറ്റ് രക്ഷാപ്രവര്ത്തനത്തെ തടസ്സപ്പെടുത്തി. പ്രവര്ത്തി ദിവസമായിരുന്നതിനാല് ഇന്നലെ ആരും ഉണ്ടായിരുന്നില്ല. സമീപത്ത് വേറെ കെട്ടിടങ്ങള് ഒന്നും ഇല്ലാതിരുന്നതും ദുരന്തത്തിന്റെ വ്യാപ്തി കുറച്ചു. ഷാര്ജ ഇന്സ്റ്റിറ്റിയൂട്ട് ഫൊര് ഹെറിറ്റേജിലെ തൊഴിലാളികളാണ് കൂടുതലും ഇവിടെ താമസിച്ചിരുന്നത്. ആറു കാരവനുകളിലായി 15 മുറികളാണുണ്ടായിരുന്നത്. കണ്ണൂര് സ്വദേശികളായ ഷാജു, ഉമേഷ്, സജീവ്, തൃശൂര് സ്വദേശി ലജീഷ്, പത്തനംതിട്ട സ്വദേശി അഭിലാഷ് എന്നിവരാണു അവിടുണ്ടായിരുന്ന മലയാളികള്. ഉടന് സ്ഥലത്തെത്തിയ പൊലീസും സിവില് ഡിഫന്സും ഉച്ചയോടെ തീ പൂര്ണമായി കെടുത്തി.
https://www.facebook.com/Malayalivartha