നിര്ധന പ്രവാസിയ്ക്കുള്ള ചികിത്സാസഹായം കൈമാറി
തിരുവനന്തപുരം ആര്.സി.സിയില് ചികിത്സയിലുള്ള തൃശ്ശൂര് പുന്നയുര്കുളം സ്വദേശിയും ജിദ്ദയിലെ ഒരു കമ്പനിയില് സെയില്സ്മാനുമായ അഷറഫ് ചിറ്റാരയിലിന് വേണ്ടി ഒ.ഐ.സി.സി സമാഹരിച്ച ചികിത്സ സഹായനിധിയുടെ ആദ്യഗഡു കൈമാറി. ആദ്യഗഡുവായി അരലക്ഷം രൂപയാണ് ജിദ്ദ തൃശൂര് ജില്ല കമ്മിറ്റി പ്രസിഡന്റ് ബദറുദ്ധീന് ഗുരുവായൂരിന് ഗ്ലോബല് കമ്മിറ്റി അംഗം കൈമാറിയത്.
ജിദ്ദയില് പത്തു വര്ഷത്തിലേറെ കാലമായി ജോലി ചെയ്യുന്നുണ്ടെങ്കിലും കാര്യമായി ഒന്നും സമ്പാദിച്ചിട്ടില്ലാത്ത മൂന്നു കുരുന്നുകളുടെ പിതാവായ അഷ്റഫിനു കാന്സര് ബാധ കൂടി ഉണ്ടായതോടെ ജീവിതം വഴിമുട്ടി.
തുടര്ച്ചയായ കീമോതെറാപ്പി മൂലം ശരീരം ഏറെ തളര്ന്ന അഷ്റഫ് സന്മനസ്സുള്ളവരുടെ സഹായം കാംക്ഷിക്കുകയാണ്. അഷ്റഫിനെ സഹായിക്കാന് ആഗ്രഹിക്കുന്നവാന് അഷ്റഫ് വടക്കേകാട് (053230 5985), യൂനുസ് കാട്ടൂര് (055440 8595) തുടങ്ങിയവരുമായി ബന്ധപ്പെടണമെന്ന് ഇതിനുവേണ്ടി രംഗത്തുള്ള ഒ.ഐ.സി.സി തൃശൂര് ജില്ലാ കമ്മിറ്റി പ്രവര്ത്തകര് അഭ്യര്ഥിച്ചു.
https://www.facebook.com/Malayalivartha
