ഗള്ഫ് വിമാന യാത്രക്കൂലിയില് നാലിരിട്ടി വര്ധനവ്
വിമാനകമ്പനികള് അവധിക്കാലത്തെ തിരക്ക് മുതലാക്കി കേരളത്തില് നിന്ന് ഗള്ഫിലേക്കും യൂറോപ്പ്, അമേരിക്ക എന്നിവിടങ്ങളിലേക്കുമുളള യാത്രാനിരക്ക് കുത്തനെ കൂട്ടി. നാലിരിട്ടിവരെയാണ് ഗള്ഫിലേക്കുളള നിരക്ക് വര്ധിപ്പിച്ചിരിക്കുന്നത്. തിരക്കില്ലാത്തപ്പോള് കൊച്ചിയില് നിന്ന് ദുബായിലേക്ക് 5,000 രൂപയ്ക്കു വരെ ടിക്കറ്റ് കിട്ടും. എന്നാല് ഇപ്പോഴത്തെ നിരക്ക് 20,000 രൂപയിലധികമാണ്. ഷാര്ജ, അബുദാബി എന്നിവിടങ്ങളിലേക്കും തിരക്കില്ലാത്ത സമയത്ത് 5,500 രൂപയ്ക്ക് ടിക്കറ്റ് കിട്ടും. കുവൈത്തിലേക്ക് 9,000 രൂപയ്ക്കും സൗദി അറേബ്യയിലേക്ക് 10,000 രൂപയ്ക്കും ദോഹയിലേക്ക് 7000 രൂപയ്ക്കും ടിക്കറ്റ് കിട്ടാറുണ്ട്. എന്നാല് ഷാര്ജ, ദോഹ, കുവൈത്ത്, അബുദാബി എന്നിവിടങ്ങളിലേക്കെല്ലാം ഏപ്രില് ആദ്യവാരം ടിക്കറ്റ് കിട്ടണമെങ്കില് 20,000 രൂപയിലധികം നല്കണം.
ചെലവു കുറഞ്ഞ വിമാന സര്വീസായ എയര് ഇന്ത്യ എക്സ്?പ്രസില് പോലും ദുബായിലേക്കും മറ്റും 21,000 രൂപയാണ് നിരക്ക്. മാര്ച്ച് അവസാനത്തോടെയാണ് വിമാനക്കമ്പനികള് നിരക്ക് കുത്തനെ കൂട്ടിയത്. കേരളത്തില് അവധിക്കാലം തുടങ്ങിയതിനാല് ഗള്ഫിലുള്ളവരുടെ കുടുംബം നാട്ടില് നിന്ന് അവധിക്കാലം ചെലവഴിക്കാന് പോകുന്നതിനാല് ഗള്ഫിലേക്ക് ഇപ്പോള് തിരക്കുണ്ട്. ഇതു മുതലാക്കാനാണ് വിമാനക്കമ്പനികള് യാത്രാനിരക്ക് കൂട്ടിയിരിക്കുന്നത്. ഏപ്രില് അവസാനം വരെ കൂടിയ നിരക്കിലായിരിക്കും ടിക്കറ്റ് വില്ക്കുക. ഉംറ തീര്ത്ഥാടകരുടെ തിരക്കും നിരക്കു കൂട്ടാന് കാരണമായിട്ടുണ്ട്. യൂറോപ്പിലേക്കും അമേരിക്കയിലേക്കും സമാന രീതിയില് നിരക്ക് കൂട്ടിയിട്ടുണ്ട്. തിരക്കേറിയതോടെ യാത്രകള്ക്കുണ്ടായിരുന്ന ഇളവുകളും ആനുകൂല്യങ്ങളും വിമാനകമ്പനികള് പിന്വലിച്ചു.
https://www.facebook.com/Malayalivartha