ജിദ്ദയില്‍ ജോസ് കെ മാണിക്കായി തിരഞ്ഞെടുപ്പ് പ്രചാരണ കണ്‍വന്‍ഷന്‍ നടത്തി
വിദ്യാഭ്യാസ മേഖലയില്‍ നിരവധി കേന്ദ്ര സ്ഥാപനങ്ങള്‍ കൊണ്ടു വരുവാന്‍ തനിക്കു സാധിച്ചുവെന്നും ആ തുടര്‍ച്ചയ്‌ക്കായി വീണ്ടും വിജയിപ്പിക്കണമെന്നും കോട്ടയം ലോക്‌സഭ യു.ഡി.എഫ്‌ സ്ഥാനാര്‍ത്ഥി ജോസ് കെ മാണി അഭ്യര്‍ത്ഥിച്ചു. ഒ.ഐ.സി.സി ജിദ്ദ കോട്ടയം ജില്ല കമ്മിറ്റിയുടെ തെരഞ്ഞെടുപ്പു പ്രചാരണ കണ്‍വെന്‍ഷനില്‍ ടെലിഫോണിലൂടെ സംസാരിക്കുകയായിരുന്നു അദ്ദേഹം.
കഴിഞ്ഞ യു.പി.എ സര്‍ക്കാരിന്റെ കാലത്ത്‌ കോട്ടയത്ത്‌ മാത്രം 1208 കോടി രൂപയുടെ വികസന പ്രവര്‍ത്തനങ്ങള്‍ നടത്തുവാന്‍ സാധിച്ചു. ഇതില്‍ മള്‍ട്ടിമീഡിയ രംഗത്തെ ഇന്ത്യയിലെ ഉന്നത സ്ഥാപനം അടക്കം 250 കോടിയും വിദ്യാഭ്യാസ മേഖലയില്‍ ആയിരുന്നു. രാജ്യത്തെ സുസ്ഥിരമായി നയിക്കുവാന്‍ കോണ്ഗ്രസ് നേതൃത്വം നല്‍കുന്ന സര്‍ക്കാരുകള്‍ക്കു മാത്രമേ സാധിക്കുകയുള്ളൂ എന്നും അദ്ദേഹം തുടര്‍ന്നു പറഞ്ഞു.
അസിസിയ സമീറ പോളിക്ലിനിക്കില്‍ വച്ചു നടന്ന കണ്‍വെന്‍ഷനു ഇന്റര്‍നാഷണല്‍ ഇന്ത്യന്‍ സ്‌കൂള്‍ മുന്‍ ചെയര്‍മാന്‍ അബ്‌ദുറഹീം ഇസ്‌മായില്‍ ഉദ്‌ഘാടനം ചെയ്തു. ശാഹിര് ഷാ അധ്യക്ഷ്യം വഹിച്ച ചടങ്ങില്‍ ഒ.ഐ.സി.സി ഗ്ലോബല്‍ കമ്മിറ്റി അംഗം കെ.ടി എ മുനീര്‍ മുഖ്യ പ്രഭാഷണം നടത്തി. ജിദ്ദ കമ്മിറ്റി ജനറല്‍ സെക്രട്ടറി റഷീദ്‌ കൊളത്തറ, നൗഷാദ്‌ അടൂര്‍, പി.കെ. ബഷീര്‍ അലി, ജോര്‍ജ്‌ ജോയ്‌, ഇസ്‌മയില്‍ നെടിയിരുപ്പ്‌, വി.അനില്‍ കുമാര്‍, ഇഖ്‌ബാല്‍ എന്നിവര്‍ സംസാരിച്ചു. തെരഞ്ഞെടുപ്പു പ്രചാരണ പ്രവര്‍ത്തനങ്ങളുമായി സാബു കുര്യാക്കോസ്‌ (കണ്‍വീര്‍), ശാഹിര് ഷാ, കെ.എം. ഷിയാദ്‌ , എ.കെ. സദ്ദിക്‌( ജോ.കണ്‍വീനര്‍) എന്നിവരെ തെരഞ്ഞെടുത്തു. എ.കെ.സദ്ദിക്‌ സ്വാഗതവും കെ.എം.ഷിയാദ്‌ നന്ദിയും പറഞ്ഞു.
https://www.facebook.com/Malayalivartha
