യു.എ.ഇ.യില് നിന്ന് ഇന്ത്യയിലേക്കുള്ള വിസാഫീസ് നിരക്കില് വര്ധന
ബിസിനസ് വിസയുടെ ഫീസ് കൂട്ടിയിട്ടില്ലെങ്കിലും ഇവയുടെ നടപടിക്രമങ്ങള് ലഘൂകരിക്കുകയും കാലാവധി വര്ധിപ്പിക്കുകയും ചെയ്തു. നേരത്തെ ബിസിനസ് വിസയുടെ കാലാവധി പരമാവധി ഒരുവര്ഷമായിരുന്നെങ്കില്, ഇപ്പോള് കുറഞ്ഞ കാലാവധി ഒരുവര്ഷമായി നിശ്ചയിച്ചു. അഞ്ച് വര്ഷത്തേക്കുള്ള ബിസിനസ് വിസയും ലഭിക്കും. ബിസിനസ് വിസകള്ക്ക് നേരത്തെ ഇന്ത്യന് നയതന്ത്ര കാര്യാലയത്തില്നിന്ന് അംഗീകാരം നേടേണ്ടിയിരുന്നെങ്കില് പുതിയ ഉത്തരവുപ്രകാരം ഇത് ആവശ്യമില്ല. ഇത് ഇന്ത്യയില് നിക്ഷേപമുള്ളവര്ക്കും ഇന്ത്യന് കമ്പനികളുമായി വ്യാപാരം നടത്തുന്നവര്ക്കും ഏറെ ഗുണകരമാകും.
യു.എ.ഇ.യില്നിന്ന് ഇന്ത്യയിലേക്കുള്ള വിസാഫീസ് നിരക്കില് 150 ശതമാനത്തിന്റെ വര്ധന. ഏറ്റവുമധികം ആവശ്യക്കാരുള്ള ടൂറിസ്റ്റ്വിസയുടെ ഫീസാണ് 150 ദിര്ഹത്തില്നിന്ന് (ഏകദേശം 2637 രൂപ) 370 ദിര്ഹം (ഏകദേശം 6505 രൂപ) ആക്കിയിരിക്കുന്നത്. ബി.എല്.എസ്. സേവനകേന്ദ്രങ്ങളില് ഇവയുടെ സേവനനിരക്കും ഡെലിവറി നിരക്കുമടക്കം 495 ദിര്ഹം (ഏകദേശം 8703 രൂപ) ആണ് നിലവില് ഈടാക്കുന്നത്. ടൂറിസ്റ്റ് വിസകളുടെ കാലാവധി ആറുമാസത്തില്നിന്ന് ഒരുവര്ഷമായി വര്ധിപ്പിച്ചിട്ടുണ്ട്. ശ്രീലങ്ക, ജപ്പാന്, സിങ്കപ്പൂര് തുടങ്ങിയ രാജ്യങ്ങളിലെ പൗരന്മാര്ക്ക് ഇന്ത്യയിലേക്ക് വിസാഫീസ് നല്കേണ്ടതില്ല.
https://www.facebook.com/Malayalivartha