ഇന്ത്യന് സ്ഥാനപതി മുസഫയിലെ ലേബര് ക്യാംപുകള് സന്ദര്ശിച്ചു
ഇന്ത്യന് സ്ഥാനപതി നവ്ദീപ് സിങ് സൂരി മുസഫ വ്യവസായ നഗരിയിലെ ഐക്കാഡ് റസിഡന്ഷ്യല് സിറ്റിയിലെയും വര്ക്കേഴ്സ് വില്ലേജിലെയും ലേബര് ക്യാംപുകള് സന്ദര്ശിച്ചു. ആയിരക്കണക്കിന് ഇന്ത്യന് തൊഴിലാളികള് താമസിക്കുന്ന ക്യാംപിലെ സ്ഥിതിഗതികള് അദ്ദേഹം വിലയിരുത്തി. ഹയര് കോര്പറേഷന് ഫോര് സ്പെഷ്യലൈസ്ഡ് ഇക്കണോമിക് സോണിന് (സോണ്സ് കോര്പ്) കീഴില് പ്രവര്ത്തിക്കുന്ന രാജ്യത്തെ ആദ്യ മാതൃകാ ലേബര് ക്യാംപാണിത്. സോണ്സ് കോര്പ് ഡയറക്ടര് ജനറല് സഈദ് ഈസ അല് ഖെയ്ലി, ഇന്ത്യന് സ്ഥാനപതി കാര്യാലയം ഫസ്റ്റ് സെക്രട്ടറി ദിനേശ് കുമാര്, വിപിഎസ് ഹെല്ത്ത് കെയര് മാനേജിങ് ഡയറക്ടര് ഡോ. ഷംഷീര് വയലില് തുടങ്ങിയവരും സ്ഥാനപതിക്കൊപ്പമുണ്ടായിരുന്നു.
തൊഴിലാളികളുമായി സ്ഥാനപതി നേരിട്ട് ആശയവിനിമയം നടത്തുകയും താമസ സ്ഥലത്തെ സ്ഥിതിഗതികള് വിലയിരുത്തുകയും ചെയ്തു. വര്ക്കേഴ്സ് വില്ലേജിലെ സൗകര്യങ്ങളില് അദ്ദേഹം തൃപ്തി രേഖപ്പെടുത്തി. വളരെ മികച്ച നിലവാരത്തിലാണ് സോണ് കോര്പ് വര്ക്കേഴ്സ് വില്ലേജിലെ മുറികളും ശുചിമുറികളും നിലനിര്ത്തുന്നതെന്ന് ഡയറക്ടര് ജനറല് സഈദ് ഈസ് അല് ഖെയ്ലി ചൂണ്ടിക്കാട്ടി. 25,000 പേര്ക്ക് താമസ സൗകര്യമുള്ള ബഹുനില കെട്ടിടങ്ങളോടെയുള്ള വര്ക്കേഴ്സ് വില്ലേജില് പാചകം, വിനോദ പരിപാടികള്, കായിക പരിശീലനം, ആരോഗ്യ സംരക്ഷണം തുടങ്ങിയവയ്ക്കുള്ള സൗകര്യങ്ങളുണ്ട്. മുസഫയിലെ ഐക്കാഡ് റെസിഡന്ഷ്യല് സിറ്റിയിലും മികച്ച സൗകര്യങ്ങളോടെയുള്ള ലേബര് ക്യാംപുകളില് 24 മണിക്കൂറും സുരക്ഷാ ഉദ്യോഗസ്ഥരുടെ സാന്നിധ്യത്തോടെ തൊഴിലാളികളുടെ മികച്ച ജീവിത സൗകര്യം ഉറപ്പാക്കുന്നതായും അധികൃതര് പറഞ്ഞു.
https://www.facebook.com/Malayalivartha