ഇന്ത്യക്കാര്‍ക്ക് വിദേശത്തേക്ക് അയക്കാവുന്ന പണത്തിന്റെ പരിധി റിസര്‍വ് ബാങ്ക് ഉയര്‍ത്തി. നിലവില്‍ 75000 ഡോളറായിരുന്നത് 1,25000 ഡോളറാക്കിയാണ് ഉയര്‍ത്തിയത്. രൂപയുടെ മൂല്യത്തില്‍ തകര്‍ച്ചയുണ്ടായതിനെ തുടര്‍ന്ന് കഴിഞ്ഞ വര്‍ഷമാണ് പരമാവധി തുക 75,000 ഡോളറാക്കി കുറച്ചത്.

വിദേശികള്‍ക്കും വിദേശ ഇന്ത്യക്കാര്‍ക്കും രാജ്യത്തുനിന്നും പുറത്തേക്ക് പോകുമ്പോള്‍ കൈവശം വെക്കാവുന്ന കറന്‍സിയുടെ പരിധി 10,000 രൂപയില്‍ നിന്ന് 25,000 രൂപയാക്കി ഉയര്‍ത്തി. നേരത്തെ ഇന്ത്യന്‍ പൗരന്മാര്‍ക്ക് മാത്രമേ ഈ സൗകര്യം ഉപയോഗപ്പെടുത്താന്‍ അനുവാദമുണ്ടായിരുന്നുള്ളൂ.

എന്നാല്‍ പാകിസ്താന്‍, ബംഗ്ളാദേശ് എന്നീ രാജ്യങ്ങളിലെ പൗരന്‍മാര്‍ക്ക് ഈ സൗകര്യം ലഭിക്കില്ല.