അരയ്ക്കു താഴെ പൂര്‍ണമായും ചലന ശേഷി നഷ്ടപ്പെട്ട്, മഫ്റഖ് ആശുപത്രി അത്യാഹിത വിഭാഗത്തില്‍ പത്തുമാസമായി കഴിയുകയായിരുന്ന കാസര്‍കോട്​ കാനത്തൂര്‍സ്വദേശി താഴത്തു വീട്ടില്‍ രവി നാട്ടിലേക്ക്​. ഇൗ മാസം 19ന്​ അദ്ദേഹത്തെ നാട്ടിലെത്തിക്കും. മാസങ്ങളോളം ആശുപത്രിയില്‍ കഴിഞ്ഞ രവിയെ കേരള സോഷ്യല്‍ സെൻററും ശക്​തി തീയറ്ററും നടത്തിയ ശ്രമങ്ങള്‍ക്കൊടുവിലാണ്​ നാട്ടിലെത്തിക്കുന്നത്​. ഇന്ത്യന്‍ എംബസിയുടെ പൂര്‍ണ്ണ സഹായവും ഈ ദൗത്യത്തിനു പിന്നിലുണ്ട്​.