പ്രവാസികളുടെ ശ്രദ്ധയ്‌ക്ക്‌; ഇനി ബ്ലാങ്ക്‌ ചെക്ക്‌ നല്‍കിയാല്‍ പണി കിട്ടും
യുഎഇയില്‍ ജോലി ചെയ്യുന്ന പ്രവാസികള്‍ അറിയാന്‍. ഇനി മുതല്‍ പല ആവശ്യങ്ങള്‍ക്കായി ബ്ലാങ്ക്‌ ചെക്ക്‌ നല്‍കുന്നവര്‍ സൂക്ഷിക്കുക. ദുബായ്‌ പോലീസിന്റെ ഒരു കണ്ണ്‌ നിങ്ങളുടെ പുറകിലുണ്ട്‌.
കമ്പനികളും വ്യക്തികളും ഗ്യാരന്റിയായി ബ്ലാങ്ക്‌ ചെക്കുകള്‍ നല്‍കാറുണ്ട്. എന്നാല്‍ പലപ്പോഴും ബാങ്കിലെത്തുമ്പോള്‍ മതിയായ തുകയില്ലാതെ ചെക്കുകള്‍ മടങ്ങുകയും ചെയ്യുന്നു. ഇത് നാള്‍ക്കുനാള്‍ കൂടി വരികയാണ്‌. ഇതിന്‌ തടയിടാനാണ്‌ ദുബായ്‌ പോലീസ്‌ രംഗത്തെത്തിയിരിക്കുന്നത്.
വായ്‌പകള്‍ക്കോ ഈടിനോ മറ്റ്‌ സ്വകാര്യ പണമിടപാട്‌ ആവശ്യങ്ങള്‍ക്കോ ബ്ലാങ്ക്‌ ചെക്കുകള്‍ നല്‍കുന്നവര്‍ക്കെതിരെ കര്‍ശന നടപടിയെടുക്കാനാണ്‌ ദുബായ്‌ പോലീസിന്റെ നീക്കം. പൊതുജനങ്ങള്‍ ഇത്തരത്തിലുള്ള നടപടികളില്‍ നിന്നും പിന്‍മാറണമെന്ന്‌ ദുബായ്‌ പോലീസ്‌ അഭ്യര്‍ത്ഥിച്ചിട്ടുണ്ട്‌.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
