ഋഷിരാജ് സിംഗിനെ നമ്മള് തള്ളിയപ്പോള് ദുബായ് അത് നടപ്പാക്കി; ദുബായിലെ സ്കൂള് ബസുകളില് സീറ്റ് ബെല്റ്റ് നിര്ബന്ധമാക്കി
എന്നാല് വളരെ വേഗം മുന്നേറിക്കൊണ്ടിരിക്കുന്ന ദുബായ് എമിറേറ്റിലെ സ്കൂള് ബസുകളില് സീറ്റ് ബെല്റ്റ് നിര്ബന്ധമാക്കി. ഇതുപ്രകാരം യാത്ര ചെയ്യുന്ന കുട്ടികള് അടക്കമുള്ള മുഴുവന് യാത്രക്കാരും സീറ്റ് ബെല്റ്റ് ധരിക്കേണ്ടി വരും. നിലവില് മുന്വശത്തെയും പിറകിലെ സീറ്റില് നടുവില് ഇരിക്കുന്നവര്ക്കും മാത്രമാണ് ബെല്റ്റ് നിര്ബന്ധം. നിബന്ധന നടപ്പില് വരുത്താന് റോഡ്സ് ആന്റ് ട്രാന്സ്പോര്ട്ട് അതോറിറ്റി (ആര്.ടി.എ.) കാലാവധി നിശ്ചയിച്ചിട്ടില്ല. എങ്കിലും 2014-ല് തന്നെ നിബന്ധന പ്രാവര്ത്തികമാക്കാനാണ് ശ്രമമെന്ന് സ്കൂള് ബസ് സര്വീസിന് നേതൃത്വം നല്കുന്ന സ്കൂള് ട്രാന്സ്പോര്ട്ട് കമ്പനി വ്യക്തമാക്കി. നമ്മുടെ നാട്ടില് സീറ്റ് ബെല്റ്റിനെ പുച്ഛിക്കാന് മന്ത്രി തന്നെ നേരിട്ടെത്തിയിരുന്നു. സംസ്ഥാനത്ത് 80 ശതമാനത്തോളം കാറുകളിലും പിന്സീറ്റ് ബെല്റ്റ് ഇല്ലെന്ന വാദമാണ് മന്ത്രി ചൂണ്ടിക്കാട്ടിയത്. എന്നാല് ദുബായിലെ ബസുകളിലും പല സീറ്റുകളിലും ബെല്റ്റ് ഇല്ലായിരുന്നു. ഉത്തരവിറങ്ങിയതോടെ എല്ലാവരും പുതിയ സീറ്റ് ബെല്റ്റ് വാങ്ങി ഘടിപ്പിക്കുകയായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha