പ്രവാസികളെ സംബന്ധിച്ചിടത്തോളം അവരുടെ ജീവിതത്തിലെ ഒരു പ്രധാന വില്ലന്‍ അവരുടെ ബോസ് തന്നെയായിരിക്കും, ഞാന്‍ പറയുന്നത് എല്ലാ മുതലാളിമാരെയും ഉദ്ദേശിച്ചല്ല എന്നാലും ഒട്ടുമിക്ക മുതലാളിമാര്‍ക്കും, തൊഴിലാളികളുടെ ദുരിതം അറിഞ്ഞില്ലെങ്കിലും , അവര്‍ക്ക് ലാഭം മാത്രം മതിയാകും, തൊഴിലാളികള്‍ക്ക് കൃത്യസമയത്ത് ഭക്ഷണമോ അധ്വാനത്തിനുള്ള കൂലി കൊടുക്കാന്‍ വരെ മടിക്കുന്ന നിരവധി മുതലാളിമാരും ലോകത്തുണ്ട്, അവിടെയാണ് പ്രമുഖ വ്യവസായിയും ലുലു ഗ്രൂപ്പ് ചെയര്‍മാനുമായ എം.എ.യൂസഫലി. എന്ന മനസിന്റെ മഹത്വവും നാം മനസിലാക്കേണ്ടത്,

കഴിഞ്ഞ 26 വര്‍ഷമായി ലുലു ഗ്രൂപ്പിലെ ജീവനക്കാരനായിരുന്ന നകുലന്‍ ഹൃദയാഘാതം മൂലം മരിച്ചിരുന്നു . കെനിയയിലെ ലുലു ഗ്രൂപ്പിലെ സ്റ്റോര്‍ കീപ്പറായി ജോലി നോക്കുന്നതിനിടയിലാണ് അദ്ദേഹം വിടപറഞ്ഞത് . എന്നാല്‍ ഈ വിശ്വസ്തന്റെ കുടുംബത്തിന് ആശ്വാസവും സഹായഹസ്തവുമായി പ്രമുഖ വ്യവസായിയും ലുലു ഗ്രൂപ്പ് ചെയര്‍മാനുമായ എം.എ.യൂസഫലി. ഇതേ് തുടര്‍ന്ന് യൂസഫലി താണിശ്ശേരിയിലുള്ള നകുലന്റെ വീട്ടിലെത്തുകയും ചെയ്തു കഴിഞ്ഞ ദിവസം വൈകിട്ട് അഞ്ചോടെ ശാന്തിനികേതന്‍ സ്‌കൂളില്‍ ഹെലികോപ്റ്ററിലെത്തിയ യൂസഫലി തുടര്‍ന്ന് കാര്‍ മാര്‍ഗമാണു നകുലന്റെ വീട്ടിലെത്തിയത്.
നകുലന്റെ ബന്ധുക്കളെ കണ്ടശേഷം യൂസഫലി നകുലന്റെ ഭാര്യ രാധയെയും അവിവാഹിതയായ മകള്‍ നീതുവിനെയും ആശ്വസിപ്പിച്ചു. ലുലു ഗ്രൂപ്പിന്റെ ജീവനക്കാര്‍ക്കുള്ള ആനൂകൂല്യമായ 19ലക്ഷം രൂപക്ക് പുറമെ അഞ്ചു ലക്ഷം രൂപയുടെ സഹായവും നല്‍കിയാണ് എം.എ.യൂസഫലി മടങ്ങിയത്.
കുടുംബത്തിന് ആവശ്യമായ ഏത് സഹായത്തിനും തന്നെ വിളിക്കാമെന്ന് പറഞ്ഞ യൂസഫലി, നകുലന്റെ മകള്‍ നീതുവിന് ജോലി വാഗ്ദാനവും നല്‍കിയാണ് മടങ്ങിയത്. കാല്‍ നൂറ്റാണ്ടോളം ലുലു ഗ്രൂപ്പില്‍ സേവനമനുഷ്ഠിച്ച നകുലന്‍ വിശ്വസ്തനായിരുന്നെന്നു യൂസഫലി പറഞ്ഞു. വിരമിക്കല്‍ പ്രായം കഴിഞ്ഞെങ്കിലും നകുലന്റെ ആഗ്രഹ പ്രകാരം ആരോഗ്യമുള്ളിടത്തോളം കാലം തുടരാന്‍ അനുവദിക്കുകയായിരുന്നു. നകുലന്റെ കുടുംബത്തിനൊപ്പം ചെലവഴിച്ച ശേഷമാണ് യൂസഫലി മടങ്ങിയത്.

കേരളം പ്രളയത്തിന്റെ ഭീതിയില്‍ അമര്‍ന്നപ്പോഴും സഹായക ഹസ്തവുമായി അദ്ദേഹം എത്തിയിരുന്നു കവളപ്പാറ ദുരന്തത്തില്‍പെട്ടവര്‍ക്ക് ലുലു ഗ്രൂപ്പ് ചെയര്‍മാന്‍ എം.എ.യൂസഫലി 30 വീടുകള്‍ നിര്‍മിച്ചു നല്‍കും. യുഎഇ ദേശീയ ദിനാഘോഷത്തോടും ദുബായ് കെഎംസിസിയുടെ വാര്‍ഷികത്തോടുമനുബന്ധിച്ച് നടന്ന ചടങ്ങിലാണ് ഇക്കാര്യം അറിയിച്ചത്. വേദിയിലുണ്ടായിരുന്ന പി.വി.അബ്ദുല്‍ വഹാബ് എംപിക്ക് ഇതിനുള്ള തുക യൂസഫലി കൈമാറുകയും ചെയ്തു.

ലുലു ഗ്രൂപ്പ് ചെയര്‍മാന്‍ കഴിഞ്ഞ 21ന് കവളപ്പാറ സന്ദര്‍ശിച്ചപ്പോള്‍ 20 വീടുകള്‍ നിര്‍മിച്ചു നല്‍കുമെന്നായിരുന്നു അറിയിച്ചിരുന്നത്. എന്നാല്‍ ഇവിടത്തെ ദുരിതബാധിതരെ കൂടുതല്‍ സഹായിക്കണമെന്ന തോന്നലുണ്ടായതിനാലാണ് 10 വീടുകള്‍ കൂടി നല്‍കാന്‍ തീരുമാനിച്ചതെന്ന് യൂസഫലി പറഞ്ഞു. ഒരു വീടിന് 6 ലക്ഷം രൂപയാണ് നല്‍കുന്നത്.
മരടിലെ ഫ്‌ലാറ്റുകള്‍ പൊളിച്ചുനീക്കുന്നത് വേദനജനകമെന്ന് ലുലു ഗ്രൂപ് ചെയര്‍മാന്‍ എം.എ. യൂസുഫലി. ലോക കേരള സഭയില്‍ സംസാരിക്കുകയായിരുന്നു അദ്ദേഹം. പല ഫ്‌ലാറ്റ് ഉടമകളും തന്റെ ജീവനക്കാര്‍ ഉള്‍പ്പെടെ പ്രവാസികളാണ്. രേഖകള്‍ പരിശോധിച്ച് ഉറപ്പുവരുത്തിയാണ് അവര്‍ മാസ സമ്ബാദ്യം ഗഡുക്കളായി നിക്ഷേപിച്ച് ഫ്‌ലാറ്റ് വാങ്ങിയത്. നിക്ഷേപങ്ങള്‍ക്ക് സുരക്ഷിതത്വം ഉറപ്പുവരുത്താന്‍ മുഖ്യമന്ത്രി മുന്‍കൈ എടുത്ത് നിയമം കൊണ്ടുവരണം. പ്രവാസികളുടെ നിക്ഷേപത്തിന് താഴെത്തട്ടിലുള്ള ഉദ്യോഗസ്ഥരുടെ നടപടി തടസ്സമാവുകയാണെന്നും യൂസഫലി പറഞ്ഞു.

അതേസമയം, ഫ്‌ലാറ്റുകള്‍ പൊളിക്കുന്നതിനുള്ള സ്ഫോടക വസ്തുക്കള്‍ ഫ്‌ലാറ്റുകളില്‍ നിറക്കല്‍ ഇന്ന് തുടങ്ങും. 11, 12 തിയ്യതികളിലായാണ് ഫ്‌ലാറ്റ് നിയന്ത്രിത സ്‌ഫോടനത്തിലൂടെ പൊളിക്കുന്നത്.