ജിദ്ദയില് രാത്രി പാര്ക്ക് ചെയ്തിരുന്ന മലയാളി വാഹനങ്ങള് കേന്ദ്രീകരിച്ച് വ്യാപക കവര്ച്ച... സൗദിയിലെ ബണ്ടി ചോര് .32 വാഹനങ്ങള് ഒറ്റയടിക്ക് മുക്കിയ വിരുതന്
ഇന്ത്യയിലെ ഒരു കുപ്രസിദ്ധ കള്ളനായ ബണ്ടി ചോര് എന്ന എല്ലാവരും മറന്നു പോയോ . ഇയാള് അഞ്ഞൂറോളം മോഷണങ്ങള് നടത്തിയിട്ടുണ്ടെന്ന് പറയപ്പെടുന്നു. വിവിധങ്ങളായ സുരക്ഷാ ഉപകരണങ്ങളെ നിരുപയോഗപ്രദമാക്കി മോഷണം നടത്താനുള്ള പരിജ്ഞാനമുള്ളതിനാല് 'സൂപ്പര്ചോര്' 'ഹൈടെക് കള്ളന്' എന്നൊക്കെ അറിയപ്പെടാറുണ്ട്.
2008-ല് ബണ്ടി ചോറിന്റെ മോഷണരീതിയില് നിന്ന് പ്രചോദനം ഉള്ക്കൊണ്ട് സിനിമ നിര്മ്മിക്കപ്പെട്ടതാണ് പ്രശസ്തമായ ഇന്ത്യന് ടെലിവിഷന് റിയാലിറ്റി ഷോ ആയ ബിഗ് ബോസിന്റെ നാലാം സീസണില് മത്സരിച്ചിരുന്നുവെങ്കിലും ആദ്യദിവസം തന്നെ പുറത്തായിരുന്നു. ഇപ്പോള് ദേ അത് പോലൊരു കള്ളന് സൗദിയിലും ഇറങ്ങിയിട്ടുണ്ട്.
കഴിഞ്ഞ ദിവസം ജിദ്ദ ഷറഫിയയില് മലയാളി വാഹനങ്ങള് കേന്ദ്രീകരിച്ച് വ്യാപക കവര്ച്ച നടന്നിരുന്നു. 32 വാനുകളില് ഒരു രാത്രിയില് ഒരുമിച്ചാണ് മോഷണം നടന്നത്. 2004 മുതല് 2013 വരെയുള്ള മോഡലുകളിലെ ടൊയോട്ട ഹയസ് ചരക്ക് വാനുകളില് നിന്ന് എന്ജിന് കണ്ട്രോള് കമ്പ്യൂട്ടറുകളാണ് മോഷണം പോയത്. വാഹനത്തെ നിയന്ത്രിക്കുന്ന ഈ ഉപകരണം ഡ്രൈവര് കാബിനിലെ വലത്തെ സീറ്റിനടിയിലാണ് ഘടിപ്പിച്ചിട്ടുള്ളത്. ഇതില്ലാതെ വാഹനം സ്റ്റാര്ട്ടാകില്ല. മോഡലുകള്ക്ക് അനുസരിച്ചു 2,000 മുതല് 4,000 റിയാല് വരെ വിലയുണ്ട് ഇതിന്.
ഷറഫിയയിലെ വിവിധ സ്ഥലങ്ങളില് രാത്രി പാര്ക്ക് ചെയ്തിരുന്ന വാഹനങ്ങളില് ഇക്കഴിഞ്ഞ ശനിയാഴ്ച പുലര്ച്ചെയാണ് വ്യാപക മോഷണം നടന്നത്. മലയാളികളുടെ സെയില്സ് വാഹനങ്ങളായിരുന്നു ഇവയില് അധികവും. രാവിലെ വാഹനമെടുക്കാന് എത്തിയപ്പോഴാണ് മോഷണവിവരം ഡ്രൈവര്മാരും മറ്റുളളവരും അറിയുന്നത്. സൈഡിലുള്ള ചില്ലുകള് പൊട്ടിച്ചായിരുന്നു മോഷണം. പൊലീസും വിരലടയാള വിദഗ്ധരും തെളിവുകള് ശേഖരിക്കുകയും അന്വേഷണം ആരംഭിക്കുകയും ചെയ്തിരുന്നു. . എന്തായാലും നിരവധി വാഹനങ്ങള് കൊള്ളയടിച്ച കേസില് പ്രതിയായ അറബ് വംശജന് പിടിയിലായി. 40ലധികം വാനുകളില് കവര്ച്ച നടത്തിയ അറബ് പൗരനെയാണ് ജിദ്ദ പൊലീസ് പിടിച്ചത്. നിരവധി പരാതികള് ലഭിച്ചതിനെ തുടര്ന്ന് രഹസ്യന്വേഷണ വിഭാഗം നടത്തിയ നിരീക്ഷണത്തിലൂടെയാണ് പ്രതിയെ വലയിലായത്. ബനീ മാലികിലെ താമസ കേന്ദ്രത്തില് വെച്ചായിരുന്നു അറസ്റ്റ്.
മോഷ്ടിച്ച നിരവധി സാധനങ്ങള് ഇയാളില് നിന്ന് കണ്ടെടുത്തിട്ടുണ്ട്. ഈ സാധനങ്ങളുമായി രാജ്യം വിടാനുള്ള ഒരുക്കത്തിലായിരുന്നു പ്രതി. എന്നാല് ഇപ്പോള് പിടിയിലായ പ്രതിക്ക് ഈ സംഭവവുമായി ബന്ധമുണ്ടോ എന്ന് അറിവായിട്ടില്ല
https://www.facebook.com/Malayalivartha