കുവൈത്തില് 13 പേര്ക്ക് കൂടി കോവിഡ് 19 സ്ഥിതീകരിച്ചു; പത്തു സ്വദേശികള്ക്കും മൂന്നു വിദേശികള്ക്കുമാണ് വ്യാഴാഴ്ച്ച രോഗം സ്ഥിതീകരിച്ചത്
കുവൈത്തില് പുതിയതായി വ്യാഴാഴ്ച്ച 13 പേര്ക്കു കൂടി കൊറോണ സ്ഥിതീകരിച്ചു. ഇതോടെ കൊറോണ വൈറസ് ബാധിച്ചവരുടെ എണ്ണം 208 ആയതായി ആരോഗ്യമന്ത്രാലയവക്താവ് ഡോ.അബ്ദുള്ള അല് സനാദ് അറിയിച്ചു. പത്തു സ്വദേശികള്ക്കും മൂന്നു വിദേശികള്ക്കുമാണ് വ്യാഴാഴ്ച്ച രോഗം സ്ഥിതീകരിച്ചത്. സൗദിയില് പോയി വന്ന രണ്ടു സ്വദേശികള്, ഈജിപ്തില് നിന്നുമെത്തിയ രണ്ടു സ്വദേശികള്, ഫ്രാന്സില് നിന്നുമെത്തിയ ഒരു സ്വദേശി, സൗദിയില് നിന്നുമെത്തിയവരുമായി സമ്ബര്ക്കത്തിലേര്പ്പെട്ട രണ്ടു സ്വദേശികള്, അസര്ബൈജാനില് നിന്നുമെത്തിയവരുമായി ബന്ധപ്പെട്ട ഒരു സ്വദേശിയും ഒരു വിദേശിയും, കൊറോണ ബാധിച്ച ഫിലിപ്പിനോയുമായി ബന്ധം പുലര്ത്തിയ ഈജിപ്തുകാരന്, കൊറോണ ബാധിച്ച സൊമാലിയക്കാരനുമായി ബന്ധപ്പെട്ട സൊമാലിയക്കാരന് എന്നിവര്ക്കാണ് വ്യാഴാഴ്ച്ച കൊറോണ സ്ഥിതീകരിച്ചത്. ഇതുവരെ കോവിഡ് 19 സ്ഥിതീകരിച്ചതില് 49 പേര് രോഗമുക്തമാവുകയും 853 പേര് ക്വാറന്ന്റൈന് നിരീക്ഷണം കഴിഞ്ഞു വീടുകളിലേക്കു മടങ്ങുകയും ചെയ്തതോടെ രാജ്യം കൊറോണ രോഗ നിയന്ത്രണം കൈ വരിച്ചു വരികയാണ് എന്ന പ്രതീക്ഷയാണ് നല്കുന്നതെന്നു ആരോഗ്യ മന്ത്രി ഡോ.ബാസില് അല് സബാഹ് അഭിപ്രായപ്പെട്ടു.
എന്നാല് ഇന്ന് കൊറോണ ബാധിച്ചവരില് ഉള്പ്പെട്ട വിദേശി ഇന്ത്യക്കാരനാണെന്ന് ചില സൂചനകളുണ്ട്. ഔദ്യോഗിക അറിയിപ്പ് ഉണ്ടായിട്ടില്ല. ഇന്ന് രോഗം കണ്ടെത്തിയ വിദേശി ഇന്ത്യക്കാരനാണെങ്കില് ഇതോടെ കുവൈത്തില് കൊറോണ ബാധിച്ച ഇന്ത്യക്കാര് 5 ആകും.
വിദേശ രാജ്യങ്ങളില് പോയി മടങ്ങി എത്തിയവരും അവരുമായി സമ്ബര്ക്കത്തിലേര്പ്പെട്ടവര്ക്കുമാണ് ഇന്ന് രോഗം കണ്ടെത്തിയത്.
രാജ്യം പ്രതിരോധത്തിന്റെ രണ്ടാം ഘട്ടത്തിലേക്ക് കടക്കുന്നതോടെ പ്രതിരോധ നടപടികള് കൂടുതല് ശക്തമാക്കുന്നതിനാണ് സര്ക്കാര് തീരുമാനം. പ്രതിരോധ പ്രവര്ത്തനങ്ങള്ക്ക് തടസ്സം സൃഷ്ടിക്കുകയും സര്ക്കാര് നിര്ദേശങ്ങളും നിബന്ധനകളും അവഗണിക്കുകയും ചെയ്യുന്നവരെ കടുത്ത ശിക്ഷക്ക് വിധേയമാക്കുന്ന നിയമം പാര്ലമെന്റ് പാസ്സാക്കിയതായും മന്ത്രി അറിയിച്ചു. പുതിയ നിയമം അനുസരിച്ചു 10 വര്ഷം വരെ തടവും പതിനായിരം മുതല് മുപ്പതിനായിരം വരെ പിഴയും ശിക്ഷ നടപ്പിലാക്കും.
ഇതു പോലൊരു പ്രത്യേക സാഹചര്യത്തില് ആരോഗ്യ മന്ത്രാലയ നിര്ദേശങ്ങള് പാലിക്കുന്നതിന് സ്വദേശികളും വിദേശികളും തയ്യാറാകണമെന്നും, ആരോഗ്യ മന്ത്രി ഡോ. ബാസില് അല് സബാഹ് ആവശ്യപ്പെട്ടു.
https://www.facebook.com/Malayalivartha