കുവൈത്തില് കൊറോണ ബാധിതരായവരുടെ എണ്ണം 479 ഇന്ത്യക്കാര് ഉള്പ്പടെ 910 അയി...
കുവൈത്തില് കൊറോണ ബാധിതരായവരുടെ എണ്ണം 479 ഇന്ത്യക്കാര് ഉള്പ്പടെ 910 അയി. 79 ഇന്ത്യക്കാരടക്കം 112 പേര്ക്കു കൂടി ഇന്ന് കൊറോണ രോഗ ബാധ സ്ഥിരീകരിച്ചു. ക്വാറന്റൈന് നിരീക്ഷണത്തിലായിരുന്ന 111 പേര് രോഗവിമുക്തരായി. 798 പേര് ചികിത്സയിലും 22 പേര് തീവ്രപരിചരണ വിഭാഗത്തിലുമാണ്. എന്നാല് ഐ.സി.യുവില് കഴിയുന്ന എട്ടുപേരുടെ നില അതീവഗുരുതരമായി തുടരുകയാണ്. കഴിഞ്ഞ ഏതാനും ദിവസങ്ങളായി രാജ്യത്ത് കൊറോണ സ്ഥിരീകരിക്കുന്നവരില് ബഹുഭൂരിപക്ഷവും ഇന്ത്യക്കാരാണ്. ലോക്ക്ഡൗണ് പ്രഖ്യാപിച്ച ജലീബ്, മഹ്ബൂല എന്നീ രണ്ടു മേഖലകള് കൊറോണ വ്യാപനത്തിന്റെ ഉറവിടകേന്ദ്രങ്ങളായി മാറിയിരിക്കയാണ്. അതേസമയം വരുന്ന ആഴ്ചകളില് രോഗവ്യാപനം വര്ധിക്കുമെന്നും വിദേശികള് പ്രത്യേകിച്ചും അടിസ്ഥാന വര്ഗതൊഴിലാളികള് കൂട്ടത്തോടെ താമസിക്കുന്ന പ്രദേശങ്ങളില് കൂടുതല് കൊറോണ വ്യാപനത്തിന്റെ ഉറവിടകേന്ദ്രങ്ങളാകുന്നതിനുള്ള സാധ്യത തള്ളിക്കളയാനാവില്ലെന്നും ആരോഗ്യമന്ത്രി ഡോ. ബാസില് അല് സബാഹ് പറഞ്ഞു.ജലീബ് അല് ശുയൂഖ്,ഫര്വാനിയ,മഹ്ബൂല തുടങ്ങിയ കേന്ദ്രങ്ങളില് രോഗപ്രതിരോധ നടപടികള് അതീവ ജാഗ്രതയോടെ നിറവേറ്റുന്നതിന് നിര്ദേശം നല്കിയിട്ടുണ്ടെന്നും അദ്ദേഹം കൂട്ടിച്ചേര്ത്തു. വിദേശിസമൂഹങ്ങള്ക്കിടയില് സാമൂഹികവ്യാപനം ആരംഭിച്ചതോടെ വളരെ ഗുരുതരമായ ഘട്ടത്തിലേക്കാണ് കടന്നിട്ടുള്ളത്. എന്നാല് അതീവ ജാഗ്രതയോടെയാണ് ആരോഗ്യ മന്ത്രാലയം പ്രതിരോധ നടപടികള് ഊര്ജിതമാക്കിയിട്ടുള്ളത്. ആഴ്ചകള് വേണ്ടി വരും ഇപ്പോഴത്തെ അവസ്ഥക്ക് ശമനം ഉണ്ടാകുന്നതിനെന്നും ആരോഗ്യ കേന്ദ്രങ്ങളില് പരിശോധന നടത്തിയ ശേഷം ആരോഗ്യമന്ത്രി ഡോ. ബാസില് അല് സബാഹ് വാര്ത്താ ലേഖകരോട് പറഞ്ഞു.
https://www.facebook.com/Malayalivartha