കോവിഡ്-19 രോഗബാധിതരുടെ എണ്ണം ഗള്‍ഫ് നാടുകളില്‍ വര്‍ധിക്കുന്നത് പ്രവാസി സമൂഹത്തില്‍ കനത്ത് ആശങ്ക ഉയര്‍ത്തുന്നു. ഇതുവരെ ആറ്് ഗള്‍ഫ് രാജ്യങ്ങളിലുമായി രോഗം ബാധിച്ചവരുടെ എണ്ണം 11,000 കടന്നു. രോഗബാധിതരില്‍ വലിയൊരു വിഭാഗം ഇന്ത്യക്കാരാണ്. ഇതുുവരെ രോഗബാധയെ തുടര്‍ന്ന് എഴുപതുപേര്‍ മരിച്ചു. ഇതില്‍ 44 മരണവും സൗദി അറേബ്യയിലാണ്. യു.എ.ഇ.യില്‍ 12, ഖത്തറില്‍ ആറ്്, ബഹ്‌റൈനില്‍ അഞ്ച്, ഒമാനില്‍ രണ്ട്, കുവൈത്തില്‍ ഒരാള്‍ക്കും കോവിഡ് ബാധയാല്‍ ജീവന്‍ നഷ്ടമായി. സൗദിയിലും യു.എ.ഇ.യിലും ഓരോ മലയാളികള്‍ മരിച്ചിട്ടുണ്ട്. കുവൈത്തിലെ രോഗം സ്ഥിരീകരിച്ച 910 പേരില്‍ 479 പേരും ഇന്ത്യക്കാരാണ്. ഇതിനകം 1800 പേര്‍ വിവിധ രാജ്യങ്ങളിലായി രോഗവിമുക്തി നേടിയിട്ടുമുണ്ട്.

അതേസമയം, എല്ലാ രാജ്യങ്ങളും വിപുലമായ പ്രതിരോധ പ്രവര്‍ത്തനങ്ങളാണ് നടത്തുന്നത്. ചില രാജ്യങ്ങളില്‍ കര്‍ഫ്യൂവിന് സമാനമായ നടപടികളുണ്ട്. യു.എ.ഇ. ഈമാസം 18 വരെ ദേശീയ അണുനശീകരണം പ്രഖ്യാപിച്ചിട്ടുണ്ട്. ദുബായില്‍ പകല്‍പോലും പുറത്തിറങ്ങാനോ വാഹനം ഇറക്കാനോ മുന്‍കൂട്ടി അനുമതിവേണം. മെട്രോ, ട്രാം സര്‍വീസുകള്‍ നിര്‍ത്തി. വാണിജ്യ, തൊഴില്‍ മേഖലകളെല്ലാം മിക്കയിടത്തും നിശ്ചലമാണ്. കുവൈത്തില്‍ ഇന്ത്യന്‍ വംശജര്‍ കൂടുതലുള്ള കേന്ദ്രങ്ങളിലാണ് കൂടുതല്‍ രോഗവ്യാപനം. ഒമാനില്‍ രോഗവ്യാപനം അതിന്റെ പാരമ്യത്തിലെത്തിയിട്ടില്ലെന്നാണ് ആരോഗ്യ മന്ത്രാലയത്തിന്റെ നിഗമനം.

അതിനിടെ, സൗദി അറേബ്യയില്‍ കോവിഡ് -19 ബാധിച്ച് മൂന്ന് പേര്‍ മരിക്കുകയും 355 പേര്‍ക്ക് പുതിയതായി രോഗം സ്ഥിരീകരിക്കുകയും ചെയ്തു. ഇതോടെ ഇതുവരെ സൗദിയില്‍ മരിച്ചവരുടെ എണ്ണം 44 ആയി ഉയര്‍ന്നു. നിലവില്‍ 2577 പേര്‍ ചികിത്സയിലാണ്. പുതുതായി രോഗമുക്തി നേടിയവര്‍ 35 പേരാണ്. ഇതുവരെ മൊത്തം രോഗമുക്തി നേടിയവര്‍ 666 പേരാണ്. അതേസമയം, സൗദി അറേബ്യയില്‍ രോഗബാധിതരുടെ എണ്ണം രണ്ടുലക്ഷത്തിലെത്താനാണ് സാധ്യതയെന്ന് സൗദി ആരോഗ്യമന്ത്രാലയവും മുന്നറിയിപ്പ് നല്‍കുന്നു.

അതിനിടെ, മലയാളികള്‍ ഏറെയുള്ള ദുബായിലെ ദേര മേഖലയില്‍ ഓരോ കെട്ടിടവും കേന്ദ്രീകരിച്ച് താമസക്കാരുടെ ആരോഗ്യപരിശോധന തുടരുകയാണ്. വാഹനത്തില്‍ ഇരുന്നുകൊണ്ടുതന്നെ നേരെ പരിശോധനാ കേന്ദ്രത്തില്‍ പോയുള്ള രോഗ നിര്‍ണയ സംവിധാനങ്ങള്‍ യു.എ.ഇ. വിവിധ കേന്ദ്രങ്ങളില്‍ തുടങ്ങിയിട്ടുണ്ട്. പത്ത് ദിവസത്തിനകം അബുദാബിയില്‍ മാത്രം ഇത്തരം 13 കേന്ദ്രങ്ങളാണ് തുടങ്ങിയത്. ഇതിനകം അഞ്ചരലക്ഷത്തിലേറെ പരിശോധനകളാണ് യു.എ.ഇ. നടത്തിയതെന്ന് ആരോഗ്യ പ്രതിരോധ മന്ത്രാലയം വെളിപ്പെടുത്തി. അതേസമയം 22-നും 44-നും ഇടയില്‍ പ്രായമുള്ളവരാണ് രോഗബാധിതരായവരില്‍ ഏറെയും എന്നതാണ് യു.എ.ഇ.യിലെ പ്രത്യേകത. മരണനിരക്കാകട്ടെ 0.5 ശതമാനം മാത്രവും എന്നതും നേട്ടമായി യു.എ.ഇ. ചൂണ്ടിക്കാട്ടുന്നു.

അതേസമയം, കൊവിഡ് 19 പ്രതിരോധ നിയമങ്ങള്‍ ലംഘിക്കുന്നവര്‍ക്കെതിരെ കടുത്ത നടപടി സ്വീകരിക്കുമെന്ന മുന്നറിയിപ്പുമായി യുഎഇ ഭരണകൂടം. നിയമ ലംഘകരെ നാട് കടത്തുന്നത് ഉള്‍പ്പെടെയുള്ള കര്‍ശന നടപടികള്‍ കൈകൊള്ളുമെന്ന് അധികൃതര്‍ വ്യക്തമാക്കി. ചിലര്‍ വീട്ടിലിരിക്കാതെ തുടര്‍ച്ചയായി പുറത്തിറങ്ങുന്നത് ശ്രദ്ധയില്‍പ്പെട്ടതുകൊണ്ടാണ് ഈ തീരുമാനം. മറ്റുള്ളവരുടെ സുരക്ഷ കൂടി അപകടത്തിലാക്കുന്ന ഇത്തരക്കാര്‍ക്ക് അവരുടെ തൊഴില്‍ നഷ്ടമാകുമെന്നും നാടുകടത്തല്‍ ഉള്‍പെടെയുളള നിയമ നടപടി നേരിടേണ്ടി വരുമെന്നും ദുബായ് പൊലീസിലെ ഉന്നത ഉദ്യോഗസ്ഥന്‍ വ്യക്തമാക്കി.

അതിനിടെ, കോവിഡ്-19 രോഗബാധിതരുടെ എണ്ണം ഗള്‍ഫ് നാടുകളില്‍ വര്‍ധിക്കുന്നത് പ്രവാസി സമൂഹത്തില്‍ കനത്ത് ആശങ്ക ഉയര്‍ത്തുന്നു. ഇതുവരെ ആറ്് ഗള്‍ഫ് രാജ്യങ്ങളിലുമായി രോഗം ബാധിച്ചവരുടെ എണ്ണം 11,000 കടന്നു. രോഗബാധിതരില്‍ വലിയൊരു വിഭാഗം ഇന്ത്യക്കാരാണ്. ഇതുുവരെ രോഗബാധയെ തുടര്‍ന്ന് എഴുപതുപേര്‍ മരിച്ചു. ഇതില്‍ സൗദിയിലും യു.എ.ഇ.യിലും ഓരോ മലയാളികള്‍ മരിച്ചിട്ടുണ്ട്. കുവൈത്തിലെ രോഗം സ്ഥിരീകരിച്ച 910 പേരില്‍ 479 പേരും ഇന്ത്യക്കാരാണ്. ഇതിനകം 1800 പേര്‍ വിവിധ രാജ്യങ്ങളിലായി രോഗവിമുക്തി നേടിയിട്ടുമുണ്ട്.