ഇനി ധൈര്യമായിരിക്കാം. ബുദ്ധിമുട്ട് അനുഭവിക്കുന്നവര്ക്ക് മുന്ഗണന. പ്രവാസികള്ക്ക് ഭക്ഷണവും മരുന്നുമെത്തിക്കുമെന്ന് കേന്ദ്രസര്ക്കാര്.
കൊവിഡ്-19 വ്യാപന പശ്ചാത്തലത്തില്, ആവശ്യത്തിന് മരുന്നോ ആഹാരമോ ചികിത്സ സൗകര്യങ്ങളൊ ലഭിക്കാതെ ഗള്ഫ് മേഖലയില് കടുത്ത ആശങ്കയോടെ കഴിയുന്ന പ്രവാസികള്ക്കായി ആശ്വാസ വാര്ത്ത. വിദേശത്തെ ലേബര് ക്യാംപുകളില് ഭക്ഷണവും മരുന്നും എത്തിക്കാനുള്ള നടപടി സ്വീകരിക്കുമെന്ന് കേന്ദ്രസര്ക്കാര് അറിയിച്ചു. എംബസികള് സന്നദ്ധസംഘടനകളുടെ സഹകരണത്തോടെ ഇതിനായി ഇടപെടും. ആവശ്യമെങ്കില് മരുന്ന് ഇന്ത്യയില് നിന്നു കൊണ്ടുപോകും. വിദേശത്ത് മരിച്ചവരുടെ മൃതദേഹങ്ങള് ഇന്ത്യയില് എത്തിക്കാന് നടപടി സ്വീകരിക്കും. കൂടാതെ, പ്രവാസി മലയാളികളില് ഏറ്റവും ബുദ്ധിമുട്ട് അനുഭവിക്കുന്നവര്ക്ക് മുന്ഗണന നല്കുമെന്നും വിദേശകാര്യ സഹമന്ത്രി വി. മുരളീധരന് വ്യക്തമാക്കി...
അതേസമയ, ലോക്ഡൗണിനു ശേഷം എല്ലാവരെയും നാട്ടിലെത്തിച്ചാല് ക്വാറന്റീന് സൗകര്യം ഏര്പ്പെടുത്താല് ബുദ്ധിമുട്ടുണ്ട്. പ്രവാസികള് മേയ് വരെ കാത്തിരിക്കേണ്ടിവരുമെന്നും മന്ത്രി സൂചിപ്പിച്ചു. വിമാനം ചാര്ട്ടര് ചെയ്ത് എത്താന് വിദേശത്തുള്ള മലയാളി സംഘങ്ങള് സന്നദ്ധരാണ്. ജോര്ദാനിലെ സിനിമാ സംഘവും മോള്ഡോവയിലെ വിദ്യാര്ഥികളും അതിനായി താല്പര്യം അറിയിച്ചു. സ്ഥിതി മെച്ചപ്പെടുമ്പോള് എല്ലാവരെയും തിരികെയെത്തിക്കും. ഫിലിപ്പീന്സിലും മോള്ഡോവയിലും കുടുങ്ങിയവരുടെ സുരക്ഷ ഉറപ്പാക്കിയിട്ടണ്ടെന്നും മന്ത്രി മുരളീധരന് അറിയിച്ചു.
അതേസമയം, 5,39,000 പേരെ പരിശോധിച്ചതായി യുഎഇ അറിയിച്ചു. ഇതില് 2000 പേര്ക്ക് രോഗമുണ്ടെന്ന് സ്ഥിരീകരിച്ചിട്ടുണ്ട്. ഗള്ഫില് ഇന്ത്യന് എംബസിയുടെ ക്വാറന്റീന് സൗകര്യം ആലോചിക്കുന്നുണ്ടെന്നും മന്ത്രി പറഞ്ഞു. വിമാന സര്വീസ് ആരംഭിക്കുന്നത് അവസാനം മതിയെന്നാണ് േകരളത്തിന്റെയും ശുപാര്ശയെന്നും അദ്ദേഹം വിദേശമലയാളികളുടെ ആശങ്കകള്ക്ക് മറുപടി പറയവേ പ്രമുഖ മലയാളം വാര്ത്ത ചാനലിനോട് ുപറഞ്ഞു. അതിനിടെ വെള്ളിയാഴ്ച കൊച്ചിയിലും ഡല്ഹിയിലും മൃതദേഹങ്ങള് എത്തിക്കുന്നുണ്ടെന്നും അദ്ദേഹം അറിയിച്ചു. ഇറാനില് കുടുങ്ങിയ മത്സ്യത്തൊഴിലാളികള്ക്ക് വൈദ്യപരിശോധനയും അവശ്യമായ ഭക്ഷണ താമസ സൗകര്യങ്ങളും ഉറപ്പുവരുത്തുമെന്നും അദ്ദേഹം പറഞ്ഞു.
അതിനിടെ, കോവിഡ്-19 രോഗബാധിതരുടെ എണ്ണം ഗള്ഫ് നാടുകളില് വര്ധിക്കുകയാണ്. ഇതുവരെ ആറ്് ഗള്ഫ് രാജ്യങ്ങളിലുമായി രോഗം ബാധിച്ചവരുടെ എണ്ണം 11,000 കടന്നു. രോഗബാധിതരില് വലിയൊരു വിഭാഗം ഇന്ത്യക്കാരാണ്. ഇതുവരെ രോഗബാധയെ തുടര്ന്ന് എഴുപതുപേര് മരിച്ചു. ഇതില് 44 മരണവും സൗദി അറേബ്യയിലാണ്. സൗദിയിലും യു.എ.ഇ.യിലും ഓരോ മലയാളികള് മരിച്ചിട്ടുണ്ട്. കുവൈത്തിലെ രോഗം സ്ഥിരീകരിച്ച 910 പേരില് 479 പേരും ഇന്ത്യക്കാരാണ്.
അതേസമയം, കോവിഡ് രോഗബാധിതരുടെ എണ്ണം കൂടുന്ന സാഹചര്യത്തില് ഗള്ഫിലെ പ്രവാസി മലയാളികള് ആശങ്കയിലാണ്. ലോക് ഡൗണിന്റെ ഓരോ ദിവസവും പിന്നിടുമ്പോള് ലേബര് ക്യാമ്പുകളില് കഴിയുന്ന ആയിരങ്ങള്ക്കിടയില് വൈറസ് വ്യാപനത്തിലുള്ള സാധ്യതയേറുകയാണ്. സാധാരണക്കാരായ തൊഴിലാളികളാണ് ഗള്ഫ് രാജ്യങ്ങളില് കഴിയുന്ന പ്രവാസി മലയാളികളില് 50 ശതമാനവും. ലേബര് ക്യാമ്പുകളിലും ഒറ്റമുറി പങ്കിട്ടും കഴിയുന്ന ഇവരില് ലോക് ഡൗണിന്റെ ഓരോ ദിവസവും പിന്നിടുമ്പോള് വൈറസ് പടരാനുള്ള സാധ്യതയും കൂടുതലാണ്. അതുകൊണ്ട് തന്നെ എത്രയുംപെട്ടെന്ന് നാട്ടിലേക്ക് മടങ്ങണമെന്നാണ് പൊതുവിലുയരുന്ന ആവശ്യം.
https://www.facebook.com/Malayalivartha
