ജോലിക്കായി ഗൂഗിള് സി.ഇ.ഒയ്ക്ക് ഏഴ് വയസുക്ലാരിയുടെ കത്ത്
കുട്ടികള് നേരിടുന്ന സ്ഥിരം ചോദ്യമാണ് വലുതാകുമമ്പോള് ആരാകണമെന്നത്. അതിന് കുട്ടികള് മറുപടി പറയുകയും ചെയ്യും. ഡാക്ടര്, എഞ്ചീനിയര്, അധ്യാപകന്, ശാസ്ത്രജ്ഞന് എന്നിങ്ങനെയായിരിക്കും അവരുടെ മറുപടി. എന്നാല് ഇതില് നിന്ന് വ്യത്യസ്ഥമായൊരു മറുപടിയുമായി ഏഴുവയസുകാരി. അവളുടെ സ്വപ്നം ഗൂഗിളാണ്.
ഗൂഗിളില് ജോലി തരണമെന്ന ആവശ്യവുമായി അവള് ചീഫ് എക്സിക്യൂട്ടീവ് ഓഫീസര് സുന്ദര് പിച്ചയ്ക്ക് കത്തെഴുതുകയും ചെയ്തു. ഇംഗ്ലണ്ടിലെ ഹരേഫോര്ഡില് നിന്നുളള ഷോലെ ബ്രിഡജ്വാട്ടര് എന്ന കൊച്ചുകുട്ടിയാണ് ഗൂഗിളില് ജോലിചെയ്യാനാഗ്രഹമുണ്ടെന്ന് കാണിച്ച് സുന്ദര് പിച്ചയ്ക്ക് കത്തെഴുതിയത്. തനിക്ക് കമ്പ്യൂട്ടറുകളും ടാബ്ലെറ്റും ഉപയോഗിക്കാനറിയാം എന്നും ഷോലെ കത്തില് പറഞ്ഞിരുന്നു.
കൂടാതെ തന്നെ ചോക്ലേറ്റ് ഫാക്ടറിയില് ജോലി ചെയ്യാനും ഒളിംപിക്സില് നീന്താനും തനിക്ക് താല്പര്യമുണ്ടെന്നും ഷോലെ പറയുന്നു. ഗൂഗിളില് ജോലി ലഭിച്ചാല് ബീന് ബാഗുകളില് ഇരിക്കാമെന്നും കാര്ട്ടുകളില് യാത്ര ചെയ്യാമെന്നും തന്റെ അച്ഛന് പറഞ്ഞിട്ടുണ്ടെന്നും ഷോലെ കത്തില് പറയുന്നു. അപ്രതീക്ഷിതമായി ഷോലെയ്ക്ക് സുന്ദര് പിച്ചയുടെ മറുപടിയും ലഭിച്ചു.
സ്വപ്നസാക്ഷാത്ക്കാരത്തിനായി കഠിന പ്രയത്നം ചെയ്യുക. മനസില് ഉദ്ദേശിച്ചകാര്യങ്ങള് എല്ലാം ഭംഗിയായി നിറവേറുമെന്ന് സുന്ദര് പിച്ച കത്തിന് മറുപടിയും നല്കി. സ്വപ്നങ്ങള് പൂവണിയാന് കഠിനാധ്വാനം ചെയ്യാന് പറഞ്ഞ പിച്ചെ പഠനം പൂര്ത്തിയാക്കിയ ശേഷം ഗൂഗിളിലേക്ക് അപേക്ഷ അയയ്ക്കാനും ഷോലയോട് ആവശ്യപ്പെട്ടു. ഗൂഗിളില് ജോലിചെയ്യുന്നതിനെക്കുറിച്ച് അച്ഛനോട് ഷോല സംശയങ്ങള് ചോദിച്ചിരുന്നു. മകളുടെ താല്പര്യങ്ങള് മനസിലാക്കിയ പിതാവാണ് ഷോലയ്ക്ക് കത്തെഴുതാന് പ്രചോദനം നല്കിയത്.
https://www.facebook.com/Malayalivartha