നമ്മുടെ ആകാശ വെള്ളരിയും കായ്ക്കും !
കേരളത്തിലെ കാലാവസ്ഥയില് പാഷന് ഫ്രൂട്ട് കുടുംബത്തില്പ്പെട്ട ഏറെ ഔഷധ ഗുണമുള്ള 'ആകാശ വെള്ളരി' വിളയില്ലെന്ന ധാരണ കാര്ഷിക ഗവേഷകര് തിരുത്തി.
പഴയന്നൂര്, വടക്കാഞ്ചേരി ബ്ലോക്ക് പ്രദേശങ്ങളിലെ ഒട്ടേറെ കര്ഷകര്ക്ക് ഇതിന്റെ വിത്ത് നല്കി നടത്തിയ പരീക്ഷണം വിജയിച്ചു.
കാര്ഷിക ഗവേഷകനുള്ള നഗരസഭയുടെ പുരസ്കാരങ്ങള് മുന് വര്ഷങ്ങളില് സ്വന്തമാക്കിയ ഓട്ടുപാറയിലെ യുവ കര്ഷകന് വിനയന്റെ മട്ടുപ്പാവിലാണ് ആകാശവെള്ളരി വിളഞ്ഞത്.
ഇംഗ്ലിഷില് 'ജയന്റ് ഗ്രാനഡില്ല' എന്നു വിളിക്കുന്ന ആകാശ വെള്ളരി വിളയാന് കൊടും ചൂടും കൊടും തണുപ്പും മാറി മാറി വരുന്ന കാലാവസ്ഥ വേണമെന്ന നിഗമനമാണ് ഉണ്ടായിരുന്നത്. ഗ്രീന്ഹൗസിലും പന്തലിലും പടര്ന്നു വളരുന്ന ഈ ഫലം ഔഷധ ഗുണങ്ങളുടെ കലവറയാണ്.
ത്വക് രോഗങ്ങള്, വന്ധ്യത, ഉദര രോഗങ്ങള്, തലവേദന, മൈഗ്രേന്, ശിരസിലെ പലതരം ഞരമ്പു രോഗങ്ങള്, ആസ്മ, വയറിളക്കം, ഛര്ദ്ദി, വിളര്ച്ച, വിരശല്യം എന്നിവയ്ക്കു ജയന്റ് ഗ്രാനഡില്ല മികച്ച ഔഷധമാണെന്നു തെളിഞ്ഞിട്ടുണ്ടെന്നു കാര്ഷിക ഗവേഷകര് പറഞ്ഞു. ഇലയും തണ്ടും പഴവുമെല്ലാം ഉപയോഗിക്കാനാകും.
രുചിയില് രാജനാണ് ആകാശ വെള്ളരിയുടെ പഴം. പാകമാകാത്തവ പച്ചക്കറിയായി ഉപയോഗിക്കാം. വിറ്റമിന് എ, പ്രോട്ടീന്, ഫോസ്ഫറസ്, അയണ് സമ്പുഷ്ടമായ ആകാശ വെള്ളരി വ്യാപകമായി ഉല്പാദിപ്പിക്കാനുള്ള ശ്രമത്തിലാണു കാര്ഷിക ഗവേഷകര്.
https://www.facebook.com/Malayalivartha
