ഇത് അതിജീവനത്തിന്റെ മാത്രം ചിത്രമല്ല, അമ്മമാര്ക്കൊരു ബിഗ് സല്യൂട്ട് നല്കുന്ന ചിത്രം കൂടിയാണ്!
ആലിപ്പഴ വീഴ്ചയോടെയുള്ള കൊടുങ്കാറ്റ് ഓസ്ട്രേലിയയിലെ ക്യൂന്സ്ലാന്ഡില് സംഹാരതാണ്ഡവമാടുകയാണ്. കനത്ത മഞ്ഞുവീഴ്ചയും വീശീയടിക്കുന്ന ചുഴലിക്കാറ്റും വന്നാശമാണ് വിതച്ചത്.
ശക്തമായ കാറ്റില് വീടുകളും കൃഷിയിടങ്ങളുമെല്ലാം തകര്ന്നു. നിരവധി കെട്ടിട്ടങ്ങളുടെ മേല്ക്കൂരകള് തകരുകയും പലതും കാറ്റത്ത് പറന്നു പോകുകയും ചെയ്തു. വന്മരങ്ങള് റോഡിലേയ്ക്ക് കടപുഴുകി വീഴുന്നതിനാല് ഗതാഗതം പലപ്പോഴും ദുര്ഗമമായി.
വീശീയടിക്കുന്ന ചുഴലിക്കാറ്റിനും അതിശക്തമായ മഞ്ഞുവീഴ്ചയ്ക്കിടയിലും സ്വന്തം കുഞ്ഞിന്റെ ജീവന് രക്ഷിക്കാനായി സ്വയരക്ഷ അവഗണിച്ച ഫിയോണ സിംപ്സണ് എന്ന യുവതിക്കു മുന്പില് തലകുനിക്കുകയാണ് ലോകം.
കഴിഞ്ഞ ബുധനാഴ്ച മുത്തശ്ശിക്കും മകള്ക്കുമൊപ്പം കാറില് സ്വയം ഡ്രൈവ് ചെയ്തു പോകുകയായിരുന്നു ഫിയോണ. വീശീയടിച്ച ചുഴലിക്കാറ്റും മഞ്ഞുകട്ടകളും തങ്ങള്ക്കു നേരേയാണ് വരുന്നതെന്നറിഞ്ഞ നിമിഷം ഫിയോണ വേറോന്നും ആലോചിച്ചില്ല.
മഞ്ഞുകട്ടയില് നിന്ന് കുഞ്ഞുമകളെ രക്ഷിക്കാനായി മാത്രമായി ശ്രമം. തന്റെ ശരീരം കൊണ്ട് മകള്ക്ക് കവചം തീര്ത്തു. കാറിന്റെ ചില്ല് തകര്ത്ത് അകത്തേക്ക് പതിച്ചുകൊണ്ടിരുന്ന ഐസ് കട്ടകള് അതിഗുരുതരമായി ഫിയോണയെ പരിക്കേല്പ്പിച്ചാണ് വിടവാങ്ങിയത്. പോറല് പോലുമേല്ക്കാതെ ആ കൈക്കുഞ്ഞ് രക്ഷപ്പെടുകയും ചെയ്തു.
മകളെയും മടിയിലിരുത്തി ഫിയോണ ഇരിക്കുന്ന ചിത്രങ്ങള് അതിജീവനത്തിന്റെ ശബ്ദമായി മാറുകയാണ്. അതിവേഗം ഫിയോണയുടെ ചിത്രങ്ങള് സമൂഹമാധ്യമങ്ങള് ഏറ്റെടുത്തു. അതിശക്തമായ കാറ്റിലൂടെ കാര് ഓടിക്കരുതായിരുന്നുവെന്നും ആ നിമിഷം കുഞ്ഞിനെ കുറിച്ചല്ലാതെ മറ്റൊന്നും ഓര്ത്തില്ലെന്നും ഫിയോണ പറയുന്നു.
https://www.facebook.com/Malayalivartha
