വരന് സിജു രണ്ട് കല്യാണത്തിനും എത്തി!
ഏഴാച്ചേരി കാവിന്പുറം ക്ഷേത്രസന്നിധി ഇന്നലെ ഒരപൂര്വ്വ നവവധൂവരസംഗമത്തിന് വേദിയായി. ഏഴാച്ചേരി സഹകരണ ബാങ്ക് ജീവനക്കാരനാണ് സിജു.
അന്ത്യാളം പള്ളിയുടെ അള്ത്താരയ്ക്ക് മുന്നില് വച്ച് സിജു ജെസ്നയ്ക്ക് മിന്നുചാര്ത്തി. ചടങ്ങ് കഴിഞ്ഞയുടനെ സിജു, വധുവിനേയും കൂട്ടി ഏഴാച്ചേരി കാവിന്പുറം ഉമാമഹേശ്വര ക്ഷേത്രസന്നിധിയിലെത്തി. മുമ്പ് സഹപ്രവര്ത്തകയായിരുന്ന ആതിരയുടെയും അജിത്തിന്റെയും വിവാഹത്തില് പങ്കെടുക്കുവാന്.
അജിത്ത് ആതിരയെ താലി ചാര്ത്തിയ ഉടന് ആദ്യ ആശംസകളുമായി നവവധൂവരന്മാരായ സിജുവും ജെസ്നയും എത്തിയപ്പോള് കാണികള്ക്കും കൗതുകം. കൈയടികളോടെ ഇരു ദമ്പതിമാര്ക്കും അവര് അനുമോദനങ്ങള് നേര്ന്നു.
സിജുവിന്റെ വധു ജെസ്ന മേലുകാവുമറ്റം സ്വദേശിനിയാണ്. ആതിര മുമ്പ് ഇതേ ബാങ്കില് സിജുവിന്റെ സഹപ്രവര്ത്തകയായിരുന്നു. ആതിരയുടെ വരന് അജിത്ത് ഉള്ളനാട് സ്വദേശിയാണ്.
സിജുവിന്റെയും ജെസ്നയുടെയും വിവാഹകര്മ്മമാണ് ആദ്യം പൂര്ത്തിയായത്. പള്ളിയില് നിന്നിറങ്ങിയ ഉടന് ഏഴാച്ചേരി സഹകരണ ബാങ്ക് പ്രസിഡന്റ് അലക്സി അലക്സാണ്ടറിനൊപ്പം സിജു ക്ഷേത്രത്തിലേക്ക് പോവുകയായിരുന്നു. ക്ഷേത്രത്തിലെ വിവാഹമണ്ഡപത്തില് വധൂവരന്മാര് പരസ്പരം ഹസ്തദാനം നടത്തി ആശംസകള് പങ്കുവെച്ചപ്പോള് കാണികള് കൈയടിച്ചു.
https://www.facebook.com/Malayalivartha