ചിത്രശലഭങ്ങളുടെ കാലമായി അതിരപ്പിള്ളി തുമ്പൂര്‍മുഴി ഉദ്യാനത്തില്‍. എല്ലാ ഒക്ടോബര്‍, നവംബര്‍ മാസങ്ങളിലും ചിത്രശലങ്ങള്‍ കൂട്ടത്തോടെ ഈ ഉദ്യാനത്തില്‍ എത്തുന്നത് പതിവാണ്. 

വിവിധിയിനങ്ങളിലുള്ള നൂറുകണക്കിനു ചിത്രശലഭങ്ങളാണ് ഉദ്യാനത്തില്‍ ചേക്കേറിയിട്ടുള്ളത്. 145 ഇനം ചിത്രശലങ്ങളെ ഉദ്യാനത്തില്‍ കാണാം.

ദേശാടന ശലഭങ്ങളാണിത്. ഇപ്പോള്‍ അനുയോജ്യമായ കാലാവസ്ഥ ആണെന്നതാണ് ഇവയെ ഇങ്ങോട്ട് ആകര്‍ഷിക്കുന്നത്.

വനത്തോടു ചേര്‍ന്നുള്ള പ്രദേശം കൂടിയായതിനാല്‍ ചിത്രശലഭങ്ങളുമായ അനുകൂലമായ ആവാസ വ്യവസ്ഥയാണ്. ചിത്രശലഭങ്ങളെ ആകര്‍ഷിക്കാന്‍ പ്രത്യേക തരം ചെടികള്‍ ഉദ്യാനത്തില്‍ നട്ടുവളര്‍ത്തിയിട്ടുണ്ട്.

സന്ദര്‍ശകരെ സംബന്ധിച്ചിടത്തോളം ഇത്രയും ചിത്രശലഭങ്ങളെ ഒന്നിച്ചു കാണാനുള്ള അപൂര്‍ അവസരം കൂടിയാണിത്. വിദേശത്തു നിന്നുള്ള ഗവേഷക വിദ്യാര്‍ഥികള്‍ വരെ തുമ്പൂര്‍മുഴിയില്‍ എത്തിയിട്ടുണ്ട്. ഒട്ടേറെ വിനോദസഞ്ചാരികളും ഉദ്യാനത്തില്‍ പ്രതിദിനം വരുന്നു. ചിത്രശലഭങ്ങളുടെ പശ്ചാത്തലത്തില്‍ സെല്‍ഫിയെടുത്താണ് വിനോദസഞ്ചാരികള്‍ മടങ്ങുന്നത്.