ഗൂഗിളിന്റെ സ്ട്രീറ്റ് വ്യൂ കാമറ ഒപ്പിച്ച പണി, ഗൂഗിള് മാപ്പില് ദമ്പതികളുടെ നഗ്നചിത്രങ്ങള്!
ഗൂഗിള് മാപ്പിന് അബദ്ധം പറ്റുന്നതു മൂലം പല നാട്ടിലുള്ള ആള്ക്കാര് ബുദ്ധിമുട്ടിലാകുന്ന കാഴ്ചകള് ഇപ്പോള് ഇടയ്ക്കിടെ ഉണ്ടാകാറുണ്ട്്. ഗൂഗിള് സ്ട്രീറ്റ് വ്യൂ, ഗൂഗിള് മാപ്പിന്റെ സാറ്റ്ലൈറ്റ് പതിപ്പ് എന്നിവയില് സെര്ച്ച് ചെയ്തവര്ക്ക് പല വിചിത്ര കാഴ്ചകളും കാണാന് കഴിഞ്ഞിട്ടുണ്ട്. വര്ഷങ്ങളായി മറഞ്ഞുകിടന്നിരുന്ന വസ്തുക്കള് വരെ കണ്ടെത്താന് ഗൂഗിള് മാപ്പ് സഹായിച്ചിട്ടുണ്ട്.
എന്നാല് തായ്വാനില് നിന്നുള്ള ഒരു കാഴ്ച ഏവരെയും ഞെട്ടിച്ചിരിക്കുകയാണ്. നഗ്ന ദമ്പതികളുടെ സ്വകാര്യ ദൃശ്യങ്ങളാണ് ഗൂഗിള് സ്ട്രീറ്റ് വ്യൂവില് ഒരു മറയുമില്ലാതെ പ്രദര്ശിപ്പിച്ചിരിക്കുന്നത്.
പൂര്ണ്ണമായും നഗ്നരായ ദമ്പതികളുടെ ചിത്രം ഗൂഗിള് സ്ട്രീറ്റ് വ്യൂവില് എങ്ങനെ വന്നുവെന്നാണ് മിക്ക ടെക് വിദഗ്ധരും ചോദിക്കുന്നത്. തായ്വാനിലെ ഒരു റോഡിന് അരികിലുള്ള വാഹനത്തിന്റെ ബോണറ്റില് ദമ്പതികള് സ്നേഹപൂര്വ്വം ആലിംഗനം ചെയ്യുന്നതിന്റെ ചിത്രമാണ് ഗൂഗിള് സ്ട്രീറ്റ് വ്യൂവിന്റെ 360 ക്യാമറ പകര്ത്തിയിരിക്കുന്നത്. ഇതിനെതിരെ ചിലര് ശക്തമായി രംഗത്തെത്തിയിട്ടുണ്ട്.
ഗൂഗിള് സ്ട്രീറ്റ് വ്യൂവിലൂടെ ചില മൃഗങ്ങളെ തിരഞ്ഞ് സഞ്ചരിച്ച ഒരു സോഷ്യല് മീഡിയ ഉപയോക്താവിനു മുന്നിലേക്ക് അപ്രതീക്ഷിതമായി ഈ ദൃശ്യങ്ങള് എത്തുകയായിരുന്നു. ഗൂഗിള് മാപ്സ് എക്കാലത്തെയും മികച്ച കണ്ടുപിടുത്തമാണ് എന്ന കുറിപ്പോടെയാണ് ഇയാള് നഗ്നദമ്പതികളുടെ ചിത്രമടക്കം ട്വിറ്ററില് പോസ്റ്റ് ചെയ്തത്. ട്വീറ്റ് പതിനായിരക്കണക്കിന് പേര് പങ്കിടുകയും ചെയ്തു. എന്നാല് ട്വിറ്ററിന്റെ നയങ്ങള് ലംഘിച്ചതിനാല് പിന്നീട് ഫോട്ടോ നീക്കം ചെയ്തു.
https://www.facebook.com/Malayalivartha
