ദുബായില്‍ 'ശക്തിമാന്‍' ഒന്‍പത് ടണ്‍ ഭാരമുളള സ്‌കൂള്‍ ബസ്സ് തനിയെ വലിച്ചു നീക്കി
സ്‌കൂള്‍ കുട്ടികളും അധ്യാപകരും മറ്റു ജീവനക്കാരുമടക്കം നിറയെ ആളുകളെ കയറ്റിയ സ്‌കൂള്‍ ബസ് ഒറ്റയ്ക്ക് വലിച്ചു നീക്കി ദുബായിലെ ശക്തിമാന്‍. അമേരിക്കന്‍ സ്വദേശിയായ ലാറി വില്യംസ് എന്നയാളാണ് 31 പേരെ ഉള്‍കൊണ്ട ഒന്‍പത് ടണ്‍ ഭാരമുളള ബസ്സ് വലിച്ചുനീക്കി കുട്ടികള്‍ക്കു മുന്‍പില്‍ സൂപ്പര്‍മാനായത്.
ദുബായില്‍ ഈ മാസം 25-ന് നടക്കുന്ന ലോകത്തെ ശക്തിമാന്മാരുടെ മത്സരത്തിന്റെ പ്രചാരണാര്‍ഥം ദുബായിലെ ഒരു സ്‌കൂളിനു മുന്‍പിലെ പാര്‍ക്കിങ്ങില്‍ കഴിഞ്ഞ ദിവസമായിരുന്നു സംഭവം. ഇതുപോലെ മറ്റു അഞ്ചിടങ്ങളില്‍ കൂടി ലാറി വില്യംസ് ശക്തിപ്രകടനം നടത്തും. 13 വയസ്സുമുതലാണ് തനിക്ക് ശക്തിമാനാകാനുളള ആഗ്രഹം ജനിച്ചതെന്ന് ലാറി പിന്നീട് പറഞ്ഞു. ഇന്റര്‍നെറ്റില്‍ നിന്നു വിവരങ്ങള്‍ ലഭിച്ചതോടെ ഒരു കൈനോക്കാന്‍ തീരുമാനിക്കുകയായിരുന്നു. എനിക്ക് വഴികാട്ടാന്‍ കൂട്ടുകാരോ, രക്ഷിതാക്കളോ സഹോദരങ്ങളോ മുന്നോട്ടു വന്നിരുന്നില്ല.
അമേരിക്കന്‍ ദ്വീപായ കരിബിയനില്‍ അമ്മയുമൊത്തായിരുന്നു താമസം. ഇന്റര്‍നെറ്റ് വഴിയാണ് ഞാന്‍ കാര്യങ്ങള്‍ ഗ്രഹിച്ചിരുന്നത്. അതുകൊണ്ട് ആര്‍ക്കെങ്കിലും ശക്തിമാനാകാന്‍ താല്‍പര്യമുണ്ടെങ്കില്‍ പ്രിയ കുട്ടികളെ, നിങ്ങള്‍ ഇന്റര്‍നെറ്റില്‍ നിന്നു വിവരങ്ങള്‍ ശേഖരിച്ചു കളത്തിലിറങ്ങു.
ബാറ്റ്മാന്‍, സൂപ്പര്‍മാന്‍ എന്നിവാരായിരുന്നു എന്റെ കുട്ടിക്കാലത്തെ ആരാധനാ കഥാപാത്രങ്ങള്‍. ദുബായില്‍ അത്ഭുതപ്പെടുത്തുന്ന ജിംനേഷ്യങ്ങളുണ്ട്. മടിച്ചു നില്‍കാതെ അവിടെ പോയി പരിശീലനം തുടങ്ങൂ...നാളെ നിങ്ങള്‍ക്ക് ഇതുപോലെ ആളുകളെ അത്ഭുതപ്പെടുത്തുന്ന താരങ്ങളാകാം ലാറി കൂട്ടിചേര്‍ത്തു.
https://www.facebook.com/Malayalivartha
