വിവാഹദിവസം വരന് കൂട്ടുകാരന് നല്കിയ സര്പ്രൈസ് കണ്ട് വരന് ചിരിച്ച് മണ്ണുകപ്പി!
വിവാഹവേദിയില് വധു എത്തുന്നതും കാത്ത് അക്ഷമനായി നിന്ന ബില്ലി ഹണ്ട്സ് എന്ന യുവാവിന് തന്റെ ആത്മാര്ത്ഥ സുഹൃത്ത് നല്കിയ സര്പ്രൈസ് കണ്ട് ചിരിച്ച് ചിരിച്ച് വയറുളുക്കിപ്പോയെന്ന് പറഞ്ഞാല് മതിയല്ലോ! വിവാഹവസ്ത്രം ധരിച്ച് എത്തിയ വധുവിനെ കാണാനായി തിരിഞ്ഞു നോക്കിയപ്പോള് അതാ നില്ക്കുന്നു മറ്റൊരു വധു. അപ്രതീക്ഷിതമായി തനിക്ക് അരികെ എത്തിയ വധുവിനെ കണ്ട് ബില്ലിക്ക് ചിരിയടക്കാനായില്ല. വിവാഹവസ്ത്രം ധരിച്ച് നിന്നത് തന്റെ അടുത്ത സുഹൃത്ത് പാറ്റ് ജോണ്സ് ആയിരുന്നു.
ബില്ലിയുടെ വിവാഹത്തിന് സുഹൃത്ത് പാറ്റ് ജോണ്സ് നല്കിയ സര്പ്രൈസ് സോഷ്യല് ലോകത്ത് ചിരിപടര്ത്തുകയാണ്.
വധുവിനെ കാത്തു നിന്ന ബില്ലിയുടെ അടുത്തേക്ക് ഗൗണും ആക്സസറീസും ധരിച്ച് ജോണ്സ് എത്തുകയായിരുന്നു. പിന്നിലേക്ക് തിരിഞ്ഞു നോക്കിയ ബില്ലിയുടെ ചുമലിലേക്ക് ജോണ്സ് ചാഞ്ഞു. ആദ്യം അമ്പരന്ന ബില്ലിക്ക് പിന്നെ ചിരിയടക്കാനായില്ല.
നിലത്തിരുന്ന് ഇരുവരും വയറു പൊത്തി ചിരിക്കുന്നത് ദൃശ്യങ്ങളില് കാണാം. ഇതിനിടെ ജോണ്സിന്റെ ഗൗണ് അഴിഞ്ഞു പോകാറായി. ഇതോടെ ബില്ലി പൊട്ടിച്ചിരിച്ചു പോയി. ഏറെ പണിപ്പെട്ടാണ് പിന്നെ ചിരി നിയന്ത്രിച്ചത്.
ഇത് വധുവിന്റെ ആശയം ആയിരുന്നുവെന്ന് വിഡിയോഗ്രഫര് പിന്നീടു വെളിപ്പെടുത്തി.
https://www.facebook.com/Malayalivartha