തെരഞ്ഞെടുപ്പു വാഗ്ദാനം പാലിക്കാത്തതിന് മെക്സിക്കോയില് മേയറെ റോഡിലൂടെ വലിച്ചിഴച്ചു
സൗത്ത് മെക്സിക്കോയിലെ ലാസ്മര്ഗറിത്താസ് സിറ്റിയിലെ മേയര് കര്ഷകരുടെ ആവശ്യം പരിഗണിച്ചു പുതിയ റോഡ് നിര്മിച്ചു നല്കുമെന്ന തെരഞ്ഞെടുപ്പ് വാഗ്ദാനം പാലിക്കാത്തതില് പ്രതിഷേധിച്ചു മേയറെ റോഡിലൂടെ വലിച്ചിഴച്ചു.
തെരഞ്ഞെടുപ്പു സമയത്ത് കര്ഷകര്ക്ക് നല്കിയ വാഗ്ദാനം നിറവേറ്റാത്തതില് പ്രതിഷേധിച്ചു പതിനൊന്നു പേരടങ്ങുന്ന കര്ഷകര് മേയര് ലൂയിസ് ഫെര്ണാണ്ടസിന്റെ ഓഫീസിലേക്ക് തള്ളിക്കയറി അവിടെയുണ്ടായിരുന്ന സാധനങ്ങള് നശിപ്പിക്കുകയും പിടിച്ചിറക്കി മര്ദിക്കുകയും ചെയ്തു. തുടര്ന്ന് ട്രക്കിനു പുറകില് കെട്ടി വില്ലേജ് റോഡിലൂടെ വലിച്ചിഴക്കുകയായിരുന്നു. ഒടുവില് പോലീസ് ഇടപെട്ടാണ് മേയറെ മോചിപ്പിച്ചത്.
ഇതിനിടെ പോലീസും പ്രതിഷേധക്കാരും തമ്മില് ഏറ്റുമുട്ടി.20 പേര്ക്ക് പരിക്കേല്ക്കുകയും 11 പേരെ അറസ്റ്റു ചെയ്യുകയും ചെയ്തതായി റിപ്പോര്ട്ടുണ്ട്. സംഭവത്തിന്റെ ദൃശ്യങ്ങള് വൈറലായി.
ഇത് രണ്ടാം തവണയാണ് തെരഞ്ഞെടുപ്പ് വാഗ്ദാനം പാലിക്കണമെന്നാവശ്യപ്പെട്ട് മേയര്ക്കു നേരെ ആക്രമണം ഉണ്ടാകുന്നത്.
https://www.facebook.com/Malayalivartha